កម្លាំងការិយាល័យប្រឆាំងគ្រឿងញៀនធ្វើការបង្រ្កាបជនសង្ស័យចំនួន៤នាក់ ក្នុងករណីជួញដូរនិងប្រើប្រាស់នូវសារធាតុញៀនដោយខុសច្បាប់
មណ្ឌលគិរី៖ ដោយអនុវត្តន៍តាមបទបញ្ជាយ៉ាងហ្មឺងម៉ាត់ពីលោក ឧត្តមសេនីយ៍ទោ ឡោ សុខា ស្នងការនគរបាលខេត្ត ក្នុងការទប់ស្កាត់និងបង្រ្កាបបទល្មើសគ្រឿងញៀនគ្រប់ប្រភេទក្នុងទូទាំងខេត្តមណ្ឌលគិរី កាលពីថ្ងៃទី១៨ ខែមីនាឆ្នាំ ២០២៤ វេលាម៉ោង១៤ និង ៤៦នាទីនៅចំណុចស្រែយ៉ាង ស្ថិតនៅក្នុងភូមិអូច្រា ឃុំស្រែព្រះ ស្រុកកែវសីមា ខេត្តមណ្ឌលគិរី កម្លាំងសមត្ថកិច្ចការិយាល័យប្រឆាំងគ្រឿងញៀន បានសហការជាមួយ កម្លាំងការិយាល័យអន្តរាគមន៍ និងកម្លាំងជំនាញ ផ្នែកគ្រឿងញៀននៃអធិការដ្ឋាននគរបាលស្រុកកែវសីមា ព្រមទាំងកម្លាំងប៉ុស្តិ៍នគរបាលរដ្ឋបាលស្រែព្រះ បានចុះបង្ក្រាបករណីជួញដូរ និងប្រើប្រាស់នូវសារធាតុញៀនដោយខុសច្បាប់ នៅចំណុចស្រែយ៉ាង ស្ថិតនៅក្នុងភូមិអូច្រា ឃុំស្រែព្រះ ស្រុកកែវសីមា ខេត្តមណ្ឌលគិរី។ និងមានការសម្របសម្រួលនីតិវិធីពី លោក ស៊ាវ ងីឈាន់ ព្រះរាជអាជ្ញារង អមសាលាដំបូងខេត្តមណ្ឌលគិរី ក្នុងកិច្ចសហប្រតិបតិ្តការនេះកម្លាំងសមត្ថកិច្ចយើងបានធ្វើការបង្ក្រាបចាប់ខ្លួនបានជនសង្ស័យ ចំនួន ០៤នាក់ដែលមានឈ្មោះដូចខាងក្រោម ៖
ទី១/ ឈ្មោះ ភាព ភា ( ហៅម៉ប់ ) ភេទប្រុសអាយុ ៣០ឆ្នាំ ជនជាតិខ្មែរ មុខរបរមិនពិតប្រាកដ បានធ្វេីតេស្តវិភាគរកសារធាតុញៀនក្នុងទឹកម៉ូត្រ ជាលទ្ធផលវិជ្ជមាន ( + ) ទីលំនៅបច្ចុប្បន្នស្ថិតនៅភូមិប៉ោស្វាយ ឃុំក្រញូងសែនជ័យ ស្រុកស្នួល ខេត្តក្រចេះ ស្រុកកំណេីតភូមិទួល ឃុំតំរិល ស្រុកអូររាំងឪ ខេត្តត្បូងឃ្មុំ ។
ទី២/. ឈ្មោះ ចេក សេងលាង ហៅ( លាង ) ភេទប្រុស អាយុ ៣១ឆ្នាំ ជនជាតិខ្មែរ មុខរបរមិនពិតប្រាកដ បានធ្វេីតេស្តវិភាគរករកសារធាតុញៀន ក្នុងទឹកម៉ូត្រ ជាលទ្ធផលវិជ្ជមាន ( + )ទីលំនៅបច្ចុប្បន្នស្ថិតនៅភូមិប៉ោស្វាយ ឃុំក្រញូងសែនជ័យ ស្រុកស្នួលខេត្តក្រចេះ ស្រុកកំណេីតភូមិពាមប្រធ្នោះ ឃុំពាមប្រធ្នោះ ស្រុកកោះសូទិន ខេត្តកំពង់ចាម ។
ទី៣/.ឈ្មោះ លេះ ទូលោះ ហៅ( លោះ ) ភេទប្រុស អាយុ ៣៥ឆ្នាំ ជនជាតិខ្មែរ–ឥស្លាម មុខរបរមិនពិតប្រាកដ បានធ្វេីតេស្តវិភាគរករកសារធាតុញៀនក្នុងទឹកម៉ូត្រ ជាលទ្ធផលវិជ្ជមាន ( + ) –ទីលំនៅបច្ចុប្បន្នស្ថិតនៅ ភូមិប៉ោស្វាយ ឃុំក្រញូងសែនជ័យ ស្រុកស្នួលខេត្តក្រចេះ ស្រុកកំណេីត ស្រុកបឹងព្រួល ខេត្តកំពង់ចាម ។
ទី៤/.ឈ្មោះ ធឿន ចាន់ធី ហៅ( ធី ) ភេទប្រុស អាយុ ៣២ឆ្នាំ ជនជាតិខ្មែរ មុខរបរមិនពិតប្រាកដ បានធ្វេីតេស្តវិភាគរករកសារធាតុញៀនក្នុងទឹកម៉ូត្រ ជាលទ្ធផលវិជ្ជមាន ( + ) ទីលំនៅបច្ចុប្បន្នស្ថិតនៅភូមិប៉ោស្វាយ ឃុំក្រញូងសែនជ័យ ស្រុកស្នួល ខេត្តក្រចេះស្រុកកំណេីត ភូមិ៣៦ ឃុំបឹងកេត ស្រុកស្ទឹងត្រង់ ខេត្តកំពង់ចាម ។
សម្ភារៈ និងវត្ថុតាងព្រមទាំងមធ្យោបាយដែលកម្លាំងសមត្ថកិច្ចចាប់យករួមមានដូចខាងក្រោម៖
១/ក្រាមពណ៌សថ្លាថ្នាំញៀន ប្រភេទមេតំហ្វេតាមីន (ICE)ចំនួន ០១កញ្ចប់តូច ទម្ងន់ ០.១៨ ក្រាម (ថ្លឹងទាំងសំបក)
២/ ម៉ូតូ ចំនួន ០១ គ្រឿងម៉ាក Suzuki smash ពណ៌ខ្មៅ ពាក់ផ្លាកលេខ ត៤៣២៩ ភព១ ។
៣/ទូរស័ព្ទដៃ ចំនួន ០២គ្រឿង (ម៉ាក oppo ពណ៌ទឹកមាស ចំនួន 0១ គ្រឿង ,oppo ពណ៌ក្រហម ១គ្រឿង) ។
៤/អាវុធកែច្នៃបាញ់គ្រាប់ពិដាងកង់ ចំនួន ០១ដេីម
៥/ដាវ ចំនួន ០១ដេីម
៦/ឧបករណ៍កែច្នៃសម្រាប់ជក់គ្រឿងញៀនមួយចំនួន។
បច្ចុប្បន្នជនសង្ស័យទាំង៤នាក់ ខាងលើត្រូវបានកម្លាំងការិយាល័យ ប្រឆាំងគ្រឿងញៀននិងកម្លាំងអធិការនគរបាលស្រុកកែវសីមាកំពុងកសាងសំណុំរឿងបញ្ជូនជនសង្ស័យទៅតុលាការចាត់ការទៅតាមនីតិវិធីច្បាប់ ៕
