លោកឧត្តមសេនីយ៍ទោ ម៉ែន លី ស្នងការនគរបាលខេត្ត ដឹកនាំកិច្ចប្រជុំប្រចាំសប្ដាហ៍
ខេត្តកំពង់ធំ ៖ លោកឧត្តមសេនីយ៍ទោ ម៉ែន លី ស្នងការនគរបាលខេត្ត ដឹកនាំកិច្ចប្រជុំប្រចាំសប្ដាហ៍ នៅសាលប្រជុំស្នងការដ្ឋាននគរបាលខេត្ត កាលពីព្រឹកថ្ងៃទី ១៣ ខែ កុម្ភៈ ឆ្នាំ ២០២៤ ។
យោងតាមរបាយការណ៍ អានដោយលោកវរសេនីយ៍ឯក ហួត សារ៉ាវុធ នាយការិយាល័យសរុបផែនការ“គិតចាប់ពីថ្ងៃទី ០៣ ដល់ថ្ងៃទី ០៩ខែ កុម្ភៈឆ្នាំ២០២៤“បានឲ្យដឹងថា
១.សភាពការណ៍ សន្ដិសុខ មានភាពស្ងប់ស្ងាត់ ធម្មតា មិនមានអ្វីកើតឡើង គួរឱ្យកត់សម្គាល់ឡើង។
២.សភាពការណ៍ បទល្មើសព្រហ្មទណ្ឌ កើតមានឡើង ០១ លើក លើ ០០ លើក កើន ០១ លើក ស្មើនឹង ១០០% ។
៣.សភាពការណ៍ សណ្ដាប់ធ្នាប់សាធារណៈ និងគ្រោះថ្នាក់ផ្សេងៗ កើតឡើង មានចំនួន ០០ លើក លើ ០២ លើក ថយចុះ ០២ លើកស្មើ ១០០% ។
លោកឧត្តមសេនីយ៍ទោ ម៉ែន លី ស្នងការនគរបាលខេត្ត មានប្រសាសន៍ សំណេះសំណាល ដោយថ្លែងថា កិច្ចប្រជុំ
ដើម្បីត្រួតពិនិត្យ តាមដាន វាយតម្លៃលើកិច្ចការងារជំនាញ ដែលបងប្អូនកងកម្លាំងនគរបាលទូទាំងខេត្ត សម្រេចបាននាពេលកន្លងមក លើកទិសដៅសម្រាប់អនុវត្តបន្ត សំដៅពង្រឹងវិន័យលេខ ០០៦ របស់កងកម្លាំងនគរបាលជាតិ
ដើម្បីថែរក្សា សន្តិសុខ សណ្ដាប់ធ្នាប់សារណ: សុវត្ថិភាពសង្គម ជូនប្រទេសជាតិ ប្រកបដោយប្រសិទ្ឋភាព ពង្រឹងការគោរពអនុវត្តតួនាទី ភារកិច្ច គ្រប់ឋានានុក្រម មានសាមគ្គីភាព អង្គឯកភាព មានទំនួលខុសត្រូវខ្ពស់ ។
បន្ថែមលើប្រសាសន៍សំណេះសំណាល លោកឧត្តមសេនីយ៍ទោ ស្នងការ ថ្លែងសង្កត់ធ្ងន់លើផែនការងារជំនាញ : ១.សន្តិសុខ, ២.ការងារព្រហ្មទណ្ឌ,៣.ការងារសណ្ដាប់ធ្នាប់សាធារណ: ជាពិសេសការប្រើប្រាស់វិធានការជំនាញឈានទៅបង្ក្រាបបទល្មើសធនធានធម្មជាតិ, ការឈូសឆាយរុករានទន្ទ្រានដីរដ្ឋ,កសាងសំណុំរឿងតាមនីតិវិធី, រឹតបន្តឹងការអនុវត្តច្បាប់ចរាចរណ៍ផ្លូវគោក ក្នុងគោលបំណងកាត់បន្ថយគ្រោះថ្នាក់ចរាចរណ៍ ឲ្យមានកម្រិតទាប ព្រមទាំងរក្សាបាន អាយុជីវិត ទ្រព្យសម្បត្តិ ដែលកើតមានឡើង ពីគ្រោះថ្នាក់ចរាចរណ៍ ផងដែរ ។
លោកស្នងការ ថ្លែងផ្ដាំផ្ញើ ដល់ការិយាល័យជំនាញ ដែលពាក់ព័ន្ធនឹងការងារគ្រប់គ្រងទ្រព្យសម្បត្តិរដ្ឋ ត្រូវធ្វើបច្ចុប្បន្នភាពត្រួតពិនិត្យ ថែរក្សាឲ្យបានគង់វង្ស ដើម្បីបម្រើឲ្យកិច្ចប្រតិបត្តិការ រក្សា សន្ដិសុខសណ្ដាប់ធ្នាប់សាធារណៈ និងសុវត្ថិភាពសង្គម៕