សមត្ថកិច្ចនគរបាលស្រុកកំរៀង រកឃេីញប្រហិតចម្រុះចំនួន០២ រថយន្តខណៈពេលត្រួតពិនិត្យអាវុធ ជាតិផ្ទុះតាមដងផ្លូវក្នុងមូលដ្ឋាន
ខេត្តបាត់ដំបង៖ នៅថ្ងៃពុធ ៦រោច ខែបុស្ស ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៣១ ខែមករា ឆ្នាំ២០២៤ ២៣និង២០នាទី នៅចំណុចគោលដៅត្រួតពិនិត្យអាវុធជាតិផ្ទុះតាមបណ្ដោយផ្លូវជាតិលេខ 57Bចំណុចមុខប៉ុស្តិ៍នគរ បាលរដ្ឋបាលតាក្រីស្ថិតក្នុងភូមិកំប្រង់ឃុំតាក្រី ស្រុកកំ រៀងខេត្តបាត់ដំបង លោកវរសេនីយ៍ទោ វេ គឹមចត់អធិការនគរបាលស្រុកកំរៀង បាន ពិនិត្យរថយន្តចំនួន០២គ្រឿងដេីម្បីស្វែងរកអាវុធ ជាតិផ្ទុះនោះគឺ៖
១-រថយន្តម៉ាកហាមមឺ (Hummer) ពណ៌ស ពាក់ស្លាកលេខភ្នំពេញ 2B-X6472 បើកបរដោយឈ្មោះ ពេជ្រ ចន្ធី ភេទប្រុស អាយុ៣៣ឆ្នាំ រស់នៅភូមិស្វាយប៉ោ សង្កាត់ស្វាយយប៉ោ ក្រុងបាត់ដំបង ខេត្តបាត់ដំបង មុខរបរលក់ដូរ(អ្នកបើកបរ)។
២-រថយន្តម៉ាករីវូ (TOYOTA Revo) ពណ៌សពាក់ស្លាកលេខភ្នំពេញ2AZ-6336 បើកបរដោយឈ្មោះ ពេជ្រ ពិសី ភេទប្រុស អាយុ១៩ឆ្នាំ រស់នៅភូមិស្វាយប៉ោសង្កាត់ស្វាយប៉ោ ក្រុងបាត់ដំបង ខេត្តបាត់ដំបង មុខរបរសិស្ស (អ្នក បើកបរ) ដែលមានឈ្មោះ ទី សុខ ភេទប្រុស អាយុ៣០ ឆ្នាំរស់នៅភូមិគោកវែង ឃុំត្នោតចុងស្រង់ ស្រុកបន្ទាយមាស ខេត្តកំពត (អ្នករួមដំណេីរ)។
ពេលសមត្ថកិច្ចពិនិត្យលើរថយន្តទាំងពីរគ្រឿងឃើញមានប្រហិតចម្រុះខូចគុណភាពដឹកពេញរថយន្តនោះ។
ស្របតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង នគរបាលស្រុកកំរៀង បានបញ្ជូនមកការិ យាល័យជំនាញនៅស្នងការដ្ឋាន ហេីយការិយាល័យនគរបាល ប្រឆាំងបទល្មេីសសេដ្ឋកិច្ចបានដែលមានលោកវរសេនីយ៍ឯក យី យក់សាន ជានាយការិយាល័យ បានរៀបចំបញ្ជូនករណីនេះទៅកាន់មន្រ្តីជំនាញ នៃការិយាល័យផលិតកម្មនិងបសុព្យាបាល មន្ទីរកសិកម្មរុក្ខាប្រម៉ាញ់ និងនេសាទខេត្តបាត់ដំបង ចាត់ការបន្តតាមនីតិវិធីច្បាប់ ៕
