ពិធីបើកបវេសនកាល ឆ្នាំសិក្សាថ្មី ២០២៣-២០២៤ នៅសាលាបឋមសិក្សាក្រាំងលាវ ស្ថិតក្នុងឃុំក្រាំងលាវ ស្រុករលាប្អៀរ ខេត្តកំពង់ឆ្នាំង
ខេត្តកំពង់ឆ្នាំង៖ នាព្រឹកថ្ងៃសុក្រ ៤រោច ខែកត្តិក ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១ ខែធ្នូ ឆ្នាំ២០២៣ ព្រះគ្រូសីលឧត្តមវង្សា សុត សុឡាង ព្រះចៅអធិការវត្តបល្ល័ង្ករង្សី ហៅក្រាំងលាវ បាននិមន្តចូលរួមក្នុងពិធីបើកបវេសនកាលឆ្នាំសិក្សា២០២៣-២០២៤ នៅសាលាបឋមសិក្សាក្រាំងលាវ ស្ថិតក្នុងឃុំក្រាំងលាវ ស្រុករលាប្អៀរ ខេត្តកំពង់ឆ្នាំង ដោយមានការចូលរួមពីលោកប្រធានការិយាល័យអប់រំ យុវជន និងកីឡាស្រុក ក្រុមប្រឹក្សាឃុំក្រាំងលាវ លោកមេភូមិបឹងវែង លោកគ្រូ និងអ្នកគ្រូ ទាំងពីសាលាមានសាលាបឋមសិក្សាក្រាំងលាវ និងអនុវិទ្យាល័យក្រាំងលាវ ចូលរួមកម្មវិធី រួមទាំងអាណាព្យាបាល សិស្សចូលរួមផងដែល។
សម្ភារៈដែលបានចូលរួមឧបត្ថម្ភ មានវត្តចំនួន ២គី (វត្តបល្ល័ង្ករង្សីហៅវត្តក្រាំងលាវ និងចន្ទជោប្បនារាមហៅវត្តតាសុត) រួមមាន៖ សៀវភៅចំនួន ៣០០ក្បាល បុិច ២០០ដេីម ទឹកត្រី១០យួរ ខ្ទឹម ១០គីឡូ ស្ករសរ ចំនួន ១០គីឡូក្រាម និងថវិកា ឧបត្ថម្ភសាលាបឋមសិក្សាក្រាំងលាវ ចំនួន ១០មុឺនរៀល ថវិកា ឧបត្ថម្ភអនុវិទ្យាល័យក្រាំងលាវ ចំនួន ១០មុឺនរៀល។
ព្រះគ្រូសីលឧត្តមវង្សា សុត សុឡាង ព្រះចៅអធិការវត្តបល្ល័ង្ករង្សី ហៅក្រាំងលាវបានផ្តាំផ្ញើដល់ប្អូនៗសិស្សានុសិស្សត្រូវខិតខំរៀនសូត្រ ចេះធ្វើការស្រាវជ្រាវមេរៀនផ្សេងៗ ធ្វើខ្លួនជាសិស្សល្អ កូនល្អ ពលរដ្ឋល្អ ជៀសឆ្ងាយពីគ្រឿងញៀន និងអំពើអបាយមុខផ្សេងៗ ព្រមទាំងស្រូបយកចំណេះដឹងពីលោកគ្រូអ្នកគ្រូដែលខំបង្ហាត់បង្រៀន ផងដែរ ព្រមទាំងមាតាបិតាសិស្សត្រូវចូលរួមជំរុញកូនៗឲ្យរៀនសូត្រទាំងនៅសាលារៀន និងនៅផ្ទះ ៕