កម្លាំងប៉ុស្តិ៍ព្រំដែនកូនភ្នំ ចេញល្បាតទប់ស្កាត់បទល្មើសគ្រប់ប្រភេទតាមខ្សែបន្ទាត់ព្រំដែនកម្ពុជា-ថៃ ក្នុងភូមិសាស្ត្រស្រុកសំពៅលូន ខេត្តបាត់ដំបង
ខេត្តបាត់ដំបង៖ នៅវេលាម៉ោង០៨:៣០នាទី ថ្ងៃអង្គារ ១រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៨ ខែវិច្ឆិកា ឆ្នាំ២០២៣ ដោយអនុវត្តតាមបទបញ្ជា និងការចង្អុលបង្ហាញរបស់លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបងជាប់ជាប្រចាំ ស្តីពីការការពារសន្តិសុខតាមខ្សែបន្ទាត់ព្រំដែនកម្ពុជា-ថៃ និងសកម្មភាពត្រួតពិនិត្យពលរដ្ឋឆ្លងដែន និងមេខ្យល់នាំពលករចេញ-ចូលខុសច្បាប់តាមព្រំដែនកម្ពុជា-ថៃ ក៏ដូចជាយោបល់របស់លោកវរសេនីយ៍ឯក ហាត ឡៃឡែ ស្នងការរងផែនការងារវរសេនាតូចនគរបាលការពារព្រំដែនគោក ព្រមទាំងលោកវរសេនីយឯក ហ៊ុន ខែត ស្នងការរងទទួលជំនួយការដឹកនាំវរសេនាតូចលេខ៨១៧ លោកវរសេនីយ៍ឯក ម៉ង់ ស៊ី មេបញ្ជាការវរសេនាតូចនគរបាលការពារព្រំដែនគោកលេខ៨១៧ កម្លាំងប៉ុស្តិ៍ព្រំដែនកូនភ្នំ ចំនួន៧នាក់ អាវុធAK=៤ដើម អាវុធK54=១ដើម ដឹកនាំដោយលោកអនុសេនីយ៍ត្រី ណុង រដ្ឋា នាយរងប៉ុស្ដិ៍ បានចេញល្បាតតាមព្រំដែនចាប់ពីចំណុចក្នុងភូមិសាស្រ្ត ភូមិកូនភ្នំខាងជើង ឃុំតាស្តា ស្រុកសំពៅលូន ខេត្តបាត់ដំផបង ដល់ចំណុចក្នុងភូមិសាស្រ្ដ ភូមិចំការល្ហុង ឃុំតាស្ដា ស្រុកសំពៅលូន ខេត្ដបាត់ដំបង។ ជាលទ្ធផល តាមព្រំដែនក្នុង និងក្រៅភូមិសាស្រ្តមានសភាពស្ងប់ស្ងាត់ធម្មតា កម្លាំងល្បាតត្រឡប់ចូលគោលដៅវិញម៉ោង១០:១៥នាទី ៕
