លោកវរសេនីយ៍ឯក អិន កុល មេបញ្ជាការវរសេនាតូចនគរបាលការពារព្រំដែនគោកលេខ៨១៩ ចាត់តាំងកម្លាំងចុះល្បាតក្នុងភូមិសាស្រ្តទទួលខុសត្រូវ ប្រកបដោយលទ្ធផលល្អ
ខេត្តបាត់ដំបង៖ នៅថ្ងៃពុធ ១០រោច ខែ អស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៨ ខែ វិច្ឆិកា ឆ្នាំ២០២៣ ដោយអនុវត្តតាមបទបញ្ជារបស់លោក ឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបងជាប់ជាប្រចាំ ស្តីពីការ ការពារសន្តិសុខតាមខ្សែបន្ទាត់ព្រំដែនកម្ពុជា-ថៃ និងត្រួតពិនិត្យពលរដ្ឋឆ្លងដែន និងមេខ្យល់នាំពលករចេញ ចូលខុសច្បាប់តាមខ្សែបន្ទាត់ព្រំដែនកម្ពុជា-ថៃ ក៏ដូចយោបល់ លោកវរសេនីយ៍ឯក ហាត ឡៃឡែ ស្នងការរងផែនការងារវរសេនាតូចនគរបាលការពារព្រំដែនគោក ព្រមទាំង លោកវរសេនីយ៍ឯក ស៊ិន ប៊ុនរស្មី ស្នងការរងទទួលដឹកនាំវរៈ៨១៩ ។
លោកវរសេនីយ៍ឯក អិន កុល មេបញ្ជាការវរសេនាតូចនគរបាលការពារព្រំដែនគោកលេខ៨១៩ បានចាត់កម្លាំងប៉ុស្តិ៍ប្រចាំការជួរមុខចេញល្បាតពិនិត្យព្រំដែន ៖
១-ថ្ងៃទី០៨.១១.២០២៣ វេលាម៉ោង ០៩:០០នាទី កម្លាំងប៉ុស្តិ៍នគរបាលតាសែន ចំនួន៤នាក់ ដឹកនាំដោយលោកអនុសេនីយ៍ឯក អេង ង៉ែត នាយរងប៉ុស្តិ៍ សហការជាមួយកម្លាំងវរៈ៥៣៤ ចំនួន ៤នាក់ ដឹកនាំដោយលោកអនុសេនីយ៍ទោ មាន ចានពៅ មេបញ្ជាការរង(គ គ្រាំទ្រ) និងកម្លាំងផ្នែកសឹករងស្រុកកំរៀង ចំនួន ៥នាក់ ដឹកនាំដោយលោកអនុសេនីយ៍ត្រី អួត ធេង មេបញ្ជាការកងអនុសេនាធំទី១ បានធ្វើការណាត់ជួបជាមួយភាគីទាហានឈុតខ្មៅថៃចំនួនចំនួន ៧នាក់ ដឹកនាំដោយលោក អនុសេនីយ៍ទោ ណាក់ ស័ក មេបញ្ជាការកងអនុសេនាតូចគាំទ្រ(ប្រចាំនៅចំណុចអូរតាដាំ)។
បានណាត់ជួបនៅគោលដៅដើមពុទ្រា ស្ថិតក្នុងភូមិត្រាង ឃុំត្រាង ស្រុកកំរៀង ខេត្តបាត់ដំបង ។
ខ្លឹមសារ៖ ពង្រឹងកិច្ចសហប្រតិបត្តិការល្អ សហការទប់ស្កាត់បទល្មើសឆ្លងដែនខុសច្បាប់គ្រប់ប្រភេទនិងផ្លាស់ប្ដូរព័ត៌មានឲ្យគ្នាទៅវិញទៅមកទាន់ពេល ការពិភាក្សាបានបញ្ចប់នៅវេលាម៉ោង១០:០០នាទី ថ្ងៃដដែល។
ល្បាត២លើក៖
១-ថ្ងៃទី០៨.១១.២០២៣ វេលាម៉ោង ០៨:០០នាទី កម្លាំងប៉ុស្តិ៍នករបាលអួរអន្លក់ ចំនួន ០៦នាក់ អាវុធ ៦ដេីម ខ្លី១ដេីម លោកអនុសេនីយ៍ឯក ង៉ែន ឆេង នាយរងប៉ុស្ដិ៍ បានសហការជាមួយកម្លាំងកងពលលេខ ៥៣ ចំនួន ៤នាក់ អាវុធវែង១ដើម ដឹកនាំដោយលោកនាយចំណង់ ឆៃ ភីរ៉ាក់ មេបញ្ជាការរងកងអនុសេនាធំទី២ បានដើរល្បាតតាមព្រំដែន ចាប់ពីចំណុច(គោលដៅស៊ុនសែន) ចាប់ដៃជាមួយកម្លាំងប៉ុស្តិ៍នគរបាលអូររំដួល ពិនិត្យឃើញថាសភាពការណ៍ស្ងាត់ បានបញ្ចប់នៅវេលាម៉ោង ១០:៣០ នាទីថ្ងៃដដែល។
២-ថ្ងៃទី០៨.១១.២០២៣ វេលាម៉ោង០៨:៣០ នាទីព្រឹក កម្លាំងប៉ុស្តិ៍នគរបាលអូររំដួល ចំនួន ៧នាក់ អាវុធចំនួន ០៥ដេីម ដឹកនាំដោយលោកអនុសេនីយ៍ឯក ហន រដ្ឋា និង លោកអនុសេនីយ៍ទោ គ្រី សុវណ្ណា នាយរងប៉ុស្តិ៍ បានសហការជាមួយកម្លាំងសឹករងស្រុកភ្នំព្រឹក ចំនួន ០៤នាក់ អាវុធចំនួន០៣ដេីម ដឹកនាំដោយលោកអនុសេនីយ៍ឯក សំ ពិសិដ្ឋ មេបញ្ជាការរងកងអនុសេនាធំលេខ០១ និងកម្លាំងកងពល៥៣ ចំនួន ០២នាក់ អាវុធ ០១ដេីម ដឹកនាំដោយលោកអនុសេនីយ៍ទោ ហឿង ប៊ុនថេង មេបញ្ជាការរងកងអនុសេនាធំស៊េីបការ បានដើរល្បាតតាមខ្សែបន្ទាត់ព្រំដែនក្នុងភូមិសាស្រ្ត ចាប់ពីចំណុច (ខ៣ចាស់) ដល់ចំណុច ចាប់ដៃជាមួយកម្លាំងប៉ុស្តិ៍នគរបាលអូរអន្លក់ បានបញ្ចប់វេលាម៉ោង ១០:៣០នាទីថ្ងៃដដែល លទ្ធផលស្ងប់ស្ងាត់ធម្មតា ៕