ឃាត់ខ្លួនមុខសញ្ញាដែលបានវាយសម្លាប់សត្វឈ្លុស០១ក្បាល បណ្តាលឲ្យងាប់ នៅចំណុចឆ្នេរកុកហាវ ស្ថិតក្នុងឃុំកោះស្តេច ស្រុកគិរីសាគរ ខេត្តកោះកុង
ខេត្តកោះកុង៖ ថ្ងៃពុធ ៣ រោច ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧ត្រូវនឹងថ្ងៃទី១ ខែវិច្ឆិកា ឆ្នាំ២០២៣ នៅវេលាម៉ោង ១៦:៤០ នាទីល្ងាច ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តកោះកុង បានឃាត់ខ្លួនមុខសញ្ញាសង្ស័យឈ្មោះ តាន់ អូខុង ភេទប្រុស អាយុ២៣ឆ្នាំ ជនជាតិខ្មែរ មុខរបរសន្តិសុខក្រុមហ៊ុនឡុងបេ មានទីលំនៅបច្ចុប្បន្នស្នាក់នៅភូមិពាមកាយឃុំកោះស្តេចស្រុកគិរីសាគរខេត្តកោះកុង ពីបទ វាយសម្លាប់សត្វឈ្លុស០១ក្បាល បណ្តាលឲ្យងាប់ នៅចំណុចឆ្នេរកុកហាវ ស្ថិតក្នុងឃុំកោះស្តេច ស្រុកគិរីសាគរ កាលពីថ្ងៃទី២៥ ខែតុលា ឆ្នាំ២០២៣ ។
បច្ចុប្បន្ន មុខសញ្ញាសង្ស័យខាងលើ ការិយាល័យនគរបាលព្រហ្មទណ្ឌកម្រិតស្រាល កំពុងកសាងសំណុំរឿងទៅតាមនីតិវិធី។
