លោកឧត្តមសេនីយ៍ទោ សាត គឹមសាន ដឹកនាំកងកម្លាំងក្រោមឱវាទចូលរួមគោរពវិញ្ញាណក្ខន្ធ ព្រះករុណា ព្រះបរមរតនៈកោដ្ឋ ខួប ១១ឆ្នាំ នៅបរិវេណវត្តពោធិ៍វាល
ខេត្តបាត់ដំបង៖ នៅព្រឹកថ្ងៃអាទិត្យ ១កេីត ខែអស្សុជឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៥ ខែ តុលា ឆ្នាំ២០២៣ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដឹកនាំកងកម្លាំងក្រោមឱវាទចូលរួមក្នុងកម្មវិធីគោរពវិញ្ញាណក្ខន្ធ ព្រះករុណា ព្រះបរមរតនៈកោដ្ឋ ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបីតា ឯករាជ្យ បូរណភាពទឹកដី និងឯកភាពជាតិខ្មែរ ខួប ១១ ឆ្នាំ នៃថ្ងៃសោយទិវង្គតរបស់ព្រះអង្គ ដែលពិធីនេះប្រារព្ធធ្វើ នៅបរិវេណវត្តពោធិ៍វាល ស្ថិតក្នុងសង្កាត់រតនៈ ក្រុងបាត់ដំបង និងខេត្តបាត់ដំបង។
អញ្ជេីញក្នុងឱកាសដ៏វិសេសវិសាលនោះមានឯក ឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាល នៃគណៈអភិបាលខេត្ត ឯកឧត្តម លោក ជំទាវ លោក លោកស្រី ក្រុមប្រឹក្សាខេត្ត គណៈអភិបាលខេត្ត មន្រ្តីរាជការ កងកម្លាំងប្រដាប់អាវុធ អង្គ ភាពពាក់ព័ន្ធក្នុងខេត្តយ៉ាងច្រេីនកុះករ ៕
