ជនដៃដល់ម្នាក់ប្រេីប្រាស់ចបកាប់វាយបំផ្លាញសម្ភារៈក្នុងផ្ទះត្រូវសមត្ថកិច្ចស្រុកបាណន់បង្ក្រាបឃាត់ខ្លួន
ខេត្តបាត់ដំបង៖ នៅថ្ងៃអង្គារ ១៣កើត ខែស្រាពណ៍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៩ ខែសីហា ឆ្នាំ២០២៣ វេលាម៉ោង០៥និង១០នាទី ស្ថិតនៅចំណុចភូមិឈេីទាល ឃុំឈេីទាល ស្រុកបាណន់ ខេត្តបាត់ដំបង មានករណីធ្វើឲ្យខូចខាតដោយចេតនាមានស្ថានទម្ងន់ទោស (អំពេីហិង្សាក្នុងគ្រួសារ) ដែលប្រព្រឹត្តឡេីងដោយជនសង្ស័យម្នាក់ឈ្មោះ សេង តុលា ហៅតូរ៉ូ ភេទប្រុស អាយុ២៥ឆ្នាំ មានទីលំនៅភូមិឈេីទាល ឃុំឈេីទាល ស្រុកបាណន់ ខេត្តបាត់ដំបង បានបង្ករករឿងឈ្លោះប្រកែកជាមួយឪពុកបង្កេីតរបស់ខ្លួន ឈ្មោះ ហ៉ីង សុវណ្ណ អាយុ៧៥ឆ្នាំ រស់នៅក្នុងផ្ទះជាមួយគ្នា និងបានប្រេីប្រាស់ចបកាប់វាយបំផ្លាញសម្ភារៈដូចជា:
-បែកពាងទឹកអស់ចំនួន០២
-វាយបំបែកតុថ្មចំនួន០១
-បែកបាក់កៅអីថ្មចំនួន០២
-បែកឆ្នាំងភ្លេីងដាំបាយចំនួន០១
-បែកចង្ក្រានចំនួន០១ ដោយគ្មានមូលហេតុ។
ក្រោយទទួលបណ្តឹង កម្លាំងអធិការដ្ឋាននគរបាលស្រុកបាណន់ សហការជាមួយប៉ុស្តិ៍នគរបាលរដ្ឋបាល នៃអធិការដ្ឋានស្រុកបាណន់ ដឹកនាំដោយលោកវរសេនីយ៍ទោ សំ វីរៈ ជាអធិការនគរបាលស្រុក បានចុះធ្វើការឃាត់ខ្លួនជនសង្ស័យម្នាក់ឈ្មោះ សេង តុលា ហៅ តូរ៉ូ នាំមកកាន់អធិការដ្ឋាននគរបាលស្រុកបាណន់ដើម្បីធ្វើការសាកសួរ ជនសង្ស័យបានសារភាពថា ខ្លួនពិតជាបានធ្វើសកម្មភាពប្រើប្រាស់ចបកាប់វាយបំផ្លាញសម្ភារៈប្រើប្រាស់របស់ជនរងគ្រោះពិតប្រាកដមែន។ សមត្ថកិច្ចប្រាប់អោយដឹងថា ជនសង្ស័យជាមនុស្សប្រេីប្រាស់គ្រឿងញៀន។ ដកហូតវត្ថុតាង ចបកាប់ចំនួន ០១ដើម។
ករណីនេះ ជនសង្ស័យខាងលើត្រូវកម្លាំងនគរបាលស្រុកកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់ការបន្តតាមនីតិវិធីច្បាប់៕
