លោកស្រី អុី នារីនេត អភិបាលរង នៃគណៈអភិបាលខេត្តកោះកុងបានអញ្ជេីញចូលរួមផ្តល់កិច្ចសម្ភាសន៍ ស្តីពីការសិក្សាស្វែងយល់ការគ្រប់គ្រងគ្រោះមហន្តរាយ និងប្រព័ន្ធជូនដំណឹងជាមុន
ខេត្តកោះកុង៖ ថ្ងៃពុធ ៧ កើត ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៣ខែសីហា ឆ្នាំ២០២៣ លោកស្រី អុី នារីនេត អភិបាលរង នៃគណៈអភិបាលខេត្ត និងជាប្រធានលេខាធិការដ្ឋាន នៃគណៈកម្មាធិការគ្រប់គ្រងគ្រោះមហន្តរាយខេត្តកោះកុង បានអញ្ជេីញចូលរួមផ្តល់កិច្ចសម្ភាសន៍ ស្តីពីការសិក្សាស្វែងយល់ការគ្រប់គ្រងគ្រោះមហន្តរាយ និងប្រព័ន្ធជូនដំណឹងជាមុន។
លោកស្រី អុី នារីនេត អភិបាលរង នៃគណៈអភិបាលខេត្ត និងជាប្រធានលេខាធិការដ្ឋាន នៃគណៈកម្មាធិការគ្រប់គ្រងគ្រោះមហន្តរាយខេត្តកោះកុង បានអញ្ជេីញចូលរួមផ្តល់កិច្ចសម្ភាសន៍ ស្តីពីការសិក្សាស្វែងយល់ការគ្រប់គ្រងគ្រោះមហន្តរាយ និងប្រព័ន្ធជូនដំណឹងជាមុន ជាមួយក្រុមការងារគម្រោងការបន្សំ និងភាពធន់នឹងអាកាសធាតុនៃសហគមន៍ពឹងអាស្រ័យលើធនធានជលផលនៅតំបន់ឆ្នេរនៃប្រទេសកម្ពុជា (CamAdapt) ដែលអនុវត្តន៍ដោយរដ្ឋបាលជលផលនៅក្នុងខេត្តគោលដៅទាំង៤ តាមតំបន់ឆ្នេរមានខេត្តកែប កំពត ព្រះសីហនុ និងខេត្តកោះកុង ក្នុងគោលបំណង ការសិក្សាស្វែងយល់ដោយផ្ទាល់នៅស្ថាប័នជំនាញពីការដាក់ឱ្យដំណើរការនៃប្រព័ន្ធប្រកាសអាសន្ន (Early Warning System) និងប្រព័ន្ធសុវត្ថិភាពសមុទ្រ (Safety at Sea) ប្រសិទ្ធភាពនៃការប្រើប្រាស់ប្រព័ន្ធ ការទទួលបានព័ត៌មានជូនដំណឹងជាមុនដែលកំពុងអនុវត្តជាក់ស្ដែងនៅមូលដ្ឋាន និងឯកសារគោលនយោបាយ គាំទ្រនានាដែលបាននិងកំពុងអនុវត្ត។