លោកវរសេនីយ៍ឯក មោក ភារម្យ ដឹកនាំកម្លាំងនគរបាលស្រុកក្រគរ ឃាត់គោយន្តកន្ត្រៃ ដឹកអុសរស់ ទើបកាប់ពីព្រៃ ធ្វើការអប់រំអ្នកកាប់អុសលក់ឲ្យបញ្ឈប់សកម្មភាព
ពោធិ៍សាត់៖ ដោយមានការចង្អុលការ ពីលោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ និងថ្នាក់ដឹកនាំ នៃគណៈកម្មាធិការឯកភាពខេត្ត នៅថ្ងៃទី០១ ខែសីហា ឆ្នាំ២០២៣ លោកវរសេនីយ៍ឯក មោក ភារម្យ អធិការ នៃអធិការដ្ឋាននគរបាលស្រុកក្រគរ ដឹកនាំកម្លាំងអន្តរាគមន៍ស្រុក សហការជាមួយកម្លាំងប៉ុស្តិ៍នគរបាលរដ្ឋបាល ស្វាយស ឈើតុំ អន្លង់ត្នោតនិងក្បាលត្រាចព្រមទាំងមានការជួយសម្របសម្រួលពីលោក លីវ សេងហ៊ីម អភិបាលស្រុកក្រគរ បានធ្វើការចុះត្រួតពិនិត្យតាមភូមិសាស្ត្រទីតាំងដែលតែតែងមាន ក្រុមគោយន្តដឹកអុសធ្វើដំណើរឆ្លងកាត់ញឹកញាប់ ។
លោកវរសេនីយ៍ឯក មោក ភារម្យ បានបញ្ជាក់ឲ្យដឹងថា ក្នុងប្រតិបត្តិការចុះត្រួតពិនិត្យ និងអប់រំដល់បងប្អូនកសិករ ប្រកបរបរកាប់អុសលក់ សមត្ថកិច្ចបានធ្វើការឃាត់បានគោយន្តកន្រ្តៃ ដឹកអុសរស់ ដែលកាប់ពីព្រៃ ចំនួន១៩គ្រឿង បានធ្វើការអប់រំធ្វើកិច្ចសន្យាអោយម្ចាស់គោយន្តទាំង១៩នាក់ ក្នុងការបញ្ឈប់ការប្រកបរបរកាប់អុសលក់បន្តទៀត ក្នុងគោលបំណងបញ្ឈប់ឲ្យខាងតែបាន កាប់បំផ្លាញព្រៃឈើខុសច្បាប់ ដែលជាសម្បត្តិធម្មជាតិ កាត់បន្ថយតម្រូវការប្រើប្រាស់អុសឲ្យមកនូវកម្រិតទាប ធានាបានបរិស្ថានពណ៌បៃតងស្រស់បំព្រង និងរក្សាជំរកសត្វព្រៃ ៕
