នគរបាលស្រុកមោងឫស្សីបញ្ជូនយុវជនប្រេីប្រាស់គ្រឿងញៀនខុសច្បាប់ម្នាក់ទៅមណ្ឌលកែប្រែ
ខេត្តបាត់ដំបង៖ នៅថ្ងៃពុធ ១១កើត ខែបឋមាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៨ ខែមិថុនា ឆ្នាំ២០២៣ វេលាម៉ោង១៣និង២៥នាទីកម្លាំងជំនាញប្រឆាំងគ្រឿងញៀន សហការជាមួយប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកមោងឫស្សី ចុះបង្រ្កាបបានឃាត់ខ្លួនមុខសញ្ញា ប្រើប្រាស់ដោយខុសច្បាប់នូវសារធាតុញៀនម្នាក់ឈ្មោះ ហៃ ដាវុធ ភេទប្រុស អាយុ៣០ឆ្នាំ រស់នៅភូមិកន្សៃបន្ទាយ ឃុំមោង ស្រុកមោងឫស្សី ខេត្តបាត់ដំបង។
ករណីនេះ កម្លាំងនគរបាលស្រុកមោងឫស្សីបានកសាងសំណុំរឿងបញ្ជូនទៅមណ្ឌលបន្សាបព្យាបាល និងស្ដារនីតិសម្បទាអ្នកញៀនគ្រឿនញៀន កែ សុីនួន ខេត្តបាត់ដំបង ដើម្បីបន្សាបគ្រឿងញៀនតាមបណ្តឹងនិងសំណូមពររបស់ក្រុមគ្រួសារ និងអាណាព្យាបាល៕
