លោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ អញ្ជើញសំណេះសំណាលជាមួយកងកម្លាំងអន្ដរាគមន៍ នៃស្នងការដ្ឋាននគរបាលខេត្ដកំពង់ស្ពឺ
ខេត្តកំពង់ស្ពឺ៖ ថៃ្ងអង្គារ ៤កើត ខែជេស្ឋ ឆ្នាំថោះ បព្ចាស័ក ពុទ្ធសករាជ ២៥៦៧ ត្រូវនឹងថ្ងៃទី២៣ ខែឧសភា ឆ្នាំ២០២៣ នៅសាលប្រជុំ ស្នងការដ្ឋាននគរបាលខេត្ដកំពង់ស្ពឺ កងកម្លាំងនគរបាលអន្ដរាគមន៍និងតម្រួតបទបញ្ជា បានជួបសំណេះសំណាលជាមួយថ្នាក់ដឹកនាំ នៃស្នងការដ្ឋាននគរបាលខេត្ដកំពង់ស្ពឺ។
ពិធីសំណេះសំណាលបានការអញ្ជេីញជាអធិបតីពីលោកឧត្ដមសេនីយ៍ទោ សម សាមួន ស្នងការនគរបាលខេត្ដ និងមានការចូលរួមពី លោក លោកស្រី ស្នងការរង លោក នាយការិយាល័យ នាយរងការិយាល័យ នាយ~នាយរងផ្នែក និងមន្រ្តីកងកម្លាំងអន្ដរាគមន៍និងតម្រួតបទបញ្ជា។
ក្នុងនាមកងកម្លាំងនគរបាលត្រូវត្រៀមលក្ខណៈ២៤ម៉ោង-២៤ម៉ោង ក្នុងករណីចាំបាច់កម្លាំងអន្ដរាគមន៍ គឺជាកម្លាំងប្រយុទ្ធនិងប្រតិបត្ដិការជួយអន្ដរាគមន៍លេីស្ថានភាពតម្រូវការចាំបាច់ចំពោះមុខ ៕
