នគរបាលស្រុកសង្កែសហការជាមួយនគរបាលស្រុកបាណន់ឃាត់ខ្លួនមុខសញ្ញាលួចខ្សែភ្លើងក្នុងមូលដ្ឋានអនុវត្តតាមច្បាប់
ខេត្តបាត់ដំបង៖ កាលពីថ្ងៃសុក្រ ៩កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី២៨ ខែមេសាឆ្នាំ២០២៣ វេលាម៉ោង០១នឹង៣០នាទីរំលងអធ្រាត្រឈានចូលថ្ងៃទី២៩ ខែមេសា ឆ្នាំ២០២៣ លោកវរសេនីយ៍ទោ យុត តុងហូ អធិការនគរបាលស្រុកសង្កែ បានដឹកនាំកម្លាំងអធិការដ្ឋាននគរបាលស្រុកសង្កែ ធ្វេីការល្បាតត្រួតពិនិ្យចល័តក្នុងភូមិសាស្រ្ត លុះដល់ចំណុចភូមិបោះពោធិ៍ ឃុំអូរដំបង១ ស្រុកសង្កែ ក៏បានជួបនឹងយុវជនម្នាក់កំពុងជិះម៉ូតូម៉ាក HONDA ZOOMER-X ពណ៌សលាយក្រហម ស៊េរីឆ្នាំ2019 ស្លាកលេខ បាត់ដំបង 1AG-2509 ដោយមានការសង័្សយ សមត្ថកិច្ចក៏ធ្វេីការត្រួតពិនិត្យ និងឃេីញមានសំបកខ្សែភ្លេីងមួយចំនួន និងសម្ភារ:សម្រាប់ប្រេីប្រាស់គ្រឿងញៀនមួយចំនួនផង ។ ឃេីញដូច្នេះ សមត្ថកិច្ចបានផ្តេីមធ្វេីការសាកសួរជុំវិញបញ្ហានេះ ទើបដឹងថាជនសង្ស័យឈ្មោះ ឡា វីរ: ហៅ តួ ភេទប្រុស អាយុ ២៩ឆ្នាំ មានទីលំនៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង ចំពោះខ្សែភ្លេីងទាំងនេះ គឺរូបគេលួចកាត់យកពីចំណុចភូមិភ្នំសំពៅលិច ឃុំភ្នំសំពៅ ស្រុកបាណន់ ខេត្តបាត់ដំបង ហេីយផ្តេីមពីបញ្ហានេះសមត្ថកិច្ចនរបាលស្រុកសង្កែសហការជាមួយនគរបាលស្រុកបាណន់ ដែលមានលោកវរសេនីយ៍ទោ សំ វីរ: អធិការនគរបាលស្រុកបាណន់ បានដឹកនាំកម្លាំងចុះស្រាវជ្រាវ និងរកឃេីញអង្គហេតុនៃអំពេីលួចកាត់យកខ្សែភ្លេីងកាលពីថ្ងៃទី២២ ខែមេសា ឆ្នាំ២០២៣ នៅចំណុចក្រុមទី១៦ ភូមិភ្នំសំពៅលិច ឃុំភ្នំសំពៅ ស្រុកបាណន់ ខេត្តបាត់ដំបង ក្នុងលំនៅរបស់ជនរងគ្រោះឈ្មោះ សេង ឈុយ ភេទប្រុស អាយុ ៤១ឆ្នាំ មានទីលំនៅក្រុមទី០៥ ភូមិភ្នំសំពៅលិច ឃុំភ្នំសំពៅ ស្រុកបាណន់ ខេត្តបាត់ដំបង ក្នុងពេលដែល ម្ចាសដីចំការចាក់សោររបងបិទជិតទុកចោលមិនមានអ្នកស្នាក់នៅទើបជាឱកាសដល់ជនសង័្សយលួចយកបាន។
នៅពេលនេះ សមត្ថកិច្ចនគរបាលស្រុកសង្កែប្រគល់ជនសង័្សយ និងវត្ថុតាងពាក់ព័ន្ធក្នុងករណីខាងលេី ជូនទៅនគរបាលស្រុកបាណន់ ជាសមត្ថកិច្ចដើម្បីកសាងសំណុំរឿងបញ្ជូនមកការិយាល័យជំនាញខេត្តតាមអនុវត្តតាមនីតិវិធីច្បាប់៕
