ប្រតិភូស្នងការដ្ឋាននគរបាលខេត្តដាក់ណុងសាធារណ:រដ្ឋ សង្គមនិយមវៀតណាម អញ្ជើញជួបសំណេះសំណាល សួរសុខទុក្ខនិងជូនពរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរនៅស្នងការនគរបាលខេត្តមណ្ឌលគិរី
មណ្ឌលគិរី៖ នាព្រឹកថ្ងៃព្រហស្បតិ៍០១រោច ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៦ ខែមេសា ឆ្នាំ២០២៣ គណ:ប្រតិភូស្នងការដ្ឋាននគរបាលខេត្តដាក់ណុងសាធារណរដ្ឋសង្គម និយមវៀតណាម ដឹកនាំដោយលោកវរសេនីយ៍ឯក ប៊ួយ គ័ងថាញ់ ស្នងការនគរបាលខេត្តដាក់ណុង សាធារណ:រដ្ឋសង្គមនិយមវៀតណាម បានអញ្ជើញមកជួបសំណេះសំណាលសួរសុខទុក្ខ និងជូនពរឆ្នាំថ្មីប្រពៃណីជាតិខ្មែរ នៅស្នងការដ្ឋាននគរបាលខេត្តមណ្ឌលគិរី ។
ភាគីវៀតណាមដឹកនាំដោយលោក វរសេនីយ៍ឯក ប៉ួយ គ័ងថាញ់ ស្នងការនគរបាលខេត្តដាក់ណុង សាធារណ:រដ្ឋសង្គមនិយមវៀតណាមបានជួបសំណេះសំណាលនិងសួរសុខទុកខក្នុងឱកាសបុណ្យចូលឆ្នាំថ្នី ប្រពៃណីជាតិខ្មែរដែលនិងខិតជិតមកដល់នាថ្ងៃខាងមុខ។
ភាគីកម្ពុជាដឹកនាំដោយលោក ឧត្តមសេនីយ៍ត្រី អ៊ន បុន្នីរិទ្ឋ ស្នងការរងទទួលការងារផែនសន្តិសុខជាតំណាងដ៏ខ្ពង់ខ្ពស់ លោកឧត្តមសេនីយ៍ទោ ឡោ សុខា ស្នងការនគរបាលខេត្តព្រមទាំង លោក/លោកស្រីស្នងការរងព្រម ទាំងមន្ត្រីក្រោមឱវាទ បានជួបសំណេះសំណាលនិងសម្ដែងការគួរសមចំពោះ ភាគីវៀតណាម ដែលបានចំណាយពេលវេលាដ៏មានតម្លៃអញ្ជើញចូលរួមសំណេះសំណាល សួរសុខទុក្ខដល់កម្លាំងនគរបាលខេត្តមណ្ឌលគិរី ក្នុងឱកាសនៃពិធីបុណ្យចូលឆ្នាំថ្មី ប្រពៃណីជាតិខ្មែរដែលនិងខិតចូលមកដល់នៅប៉ុន្មានថ្ងៃខាងមុខនេះ ។
ស្ថិតក្នុងឱកាសនោះផងដែរលោកវរសេនីយ៍ឯក ប៊ួយ គ័ងថាញ់ ស្នងការនគរបាលខេត្តដាក់ណុងបានមានប្រសាសន៍ថាស្នងការដ្ឋាននគរបាលនៃខេត្តយើងទាំងពីរ (ខេត្តមណ្ឌលគិរី និងខេត្តដាក់ណុង) តែងតែផ្លាស់ប្តូរនៅព័ត៌មានអោយគ្នាទៅវិញទៅមកនិងរក្សាបាននូវទំនាក់ទំនងសាមគ្គីភាពមិត្តភាព និងកិច្ចសហតិបត្តិការបង្ការទប់ស្កាត់បទល្មើសគ្រប់ប្រភេទបានយ៉ាងល្អប្រសើរ នៅតាមខ្សែបន្ទាត់ព្រំដែនរវាងប្រទេសយើងទាំងពីរ។
ទន្ទឹមគ្នានោះផងដែរលោកឧត្តមសេនីយត្រី អ៊ន ប៊ុន្នីរិទ្ធ ស្នងការរងនគរបាលខេត្តមណ្ឌលគិរី បានថ្លែងអំណរគុណយ៉ាងជ្រាលជ្រៅចំពោះគណ:ប្រតិភូ នៃខេត្តដាក់ណុងសារធារណ: រដ្ឋសង្គមនិយមវៀណាមដែលតែងតែជួយឧបត្ថម្ភគាំទ្រដល់អង្គភាព ស្នងការរដ្ឋាននគរបាលខេត្តមណ្ឌលគិរី រយៈពេលកន្លងមកនេះ។
លោកវរសេនីយ៍ឯក ប៊ួយ គ័ងថាញ់ ស្នងការនគរបាលនៃខេត្តដាក់ណុង បានថ្លែងនូវការកោតសរសើរអំពីការអភិវឌ្ឍន៍ និងការរីកចម្រើយ៉ាងឆាប់រហ័សរបស់ព្រះរាជាណាចក្រកម្ពុជា ក្រោមការដឹកនាំដ៏ឈ្លៀសវៃ និងប៉ិនប្រសព្វរបស់ សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងបានថ្លែងអំណរគុណចំពោះស្នងការដ្ឋាននគរបាលខេត្តមណ្ឌលគិរី ដែលជានិច្ចជាកាតែងតែខិតខំប្រឹងប្រែងបន្ត កិច្ចសហប្រតិបត្តិការបង្ការទប់ស្កាត់បទល្មើស គ្រប់ប្រភេទបានល្អ ប្រសើរក្នុងនាមជាកងកម្លាំងនគរបាល នៃប្រទេសយើងទាំងពីរកម្ពុជា និងវៀតណាម និងបានសូមជូនពរក្នុងឱកាសបុណ្យ ចូលឆ្នាំថ្មីប្រពៃណីជាតិខ្មែរ ជូនដល់កងកម្លាំងនៃស្នងការដ្ឋាននគរបាលខេត្តមណ្ឌលគិរី និងក្រុម គ្រួសារសូមទទួលបាននូវសេចក្តីសុខ សេចកី្តចម្រើន និងទទួលបានជោគជ័យគ្រប់ភារកិច្ច ដែលថ្នាក់ដឹកនាំប្រគល់ជូន និងសូមអោយចំណងមិត្តភាព សាមគ្គីភាពនិងកិច្ចសហប្រតិត្តិការរវាង ប្រទេសយើងទាំងពីរ ស្ថិតស្ថេរចីរកាល។
នៅក្នុងឱកាសនេះផងដែរ ប្រតិភូនៃអង្គភាពនៃខេត្តទាំងពីរក៏បានធ្វើការប្រគល់ជូនកាដូរអនុស្សាវរីយ៍ ទៅវិញទៅមកនិងបានឯកភាពគ្នាបន្ត បើកកិច្ចប្រជុំស្តីពីកិច្ចសហប្រតិបត្តិការបង្កាទប់ស្កាត់បទល្មើសគ្រប់ប្រភេទ នៅថ្ងៃខាងមុខបន្តទៅទៀត ៕
