ឯកឧត្តម នាយឧត្តមសេនីយ៍ ហ៊ឹម យ៉ាន និងឯកឧត្តម សុខ លូ អញ្ជើញជាអធិបតីក្នុងពិធីបិទកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការ ឆ្នាំ២០២២ របស់ស្នងការដ្ឋាននគរបាលខេត្តបាត់ដំបង និងផ្សព្វផ្សាយទិសដៅការងាររបស់ក្រសួងមហាផ្ទៃ និងអគ្គស្នងការដ្ឋាននគរបាលជាតិ ឆ្នាំ២០២៣៖
ខេត្តបាត់ដំបង៖ នៅរសៀលថ្ងៃពុធ ៨កើត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៩ ខែមីនា ឆ្នាំ២០២៣ ឯកឧត្តម នាយឧត្តមសេនីយ៍ ហ៊ឹម យ៉ាន អគ្គស្នងការរងនគរបាលជាតិ តំណាងដ៏ខ្ពង់ខ្ពស់ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបងអញ្ជើញជាអធិបតីក្នុងពិធី
បិទកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការឆ្នាំ២០២២ របស់ស្នងការដ្ឋាននគរបាលខេត្តបាត់ដំបង និងផ្សព្វផ្សាយទិសដៅការងាររបស់ក្រសួងមហាផ្ទៃ និងអគ្គស្នងការដ្ឋាននគរបាលជាតិ ឆ្នាំ២០២៣ នៅសាលប្រជុំA ស្នងការដ្ឋាននគរបាលខេត្តបាត់ដំបង។
អញ្ជើញចូលរួមក្នុងពិធីនេះមាន ឯកឧត្តម ឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង ឯកឧត្តមប្រតិភូអមដំណើរអគ្គរងនគរបាលជាតិ លោកប្រធានពន្ធនាគារខេត្ត អនុប្រធានយោធភូមិភាគទី៥ លោកអនុប្រធានកងរាជអាវុធហត្ថខេត្ត លោក-លោកស្រី ឧត្តមសេនីយ៍ លោកវរសេនីយ៍ ស្នងការរង លោកប្រធានការិយាល័យ លោកមេបញ្ជាការវរសេនាតូចនគរបាលការពារព្រំដែនគោកទាំង៤ លោកអធិការនគរបាលក្រុង-ស្រុកទាំង១៤ លោកនាយប៉ុស្តិ៍ការពារព្រំដែនគោក និងលោកនាយប៉ុស្តិ៍រដ្ឋបាល១០៣ប៉ុស្តិ៍ ៕
