កម្លាំងជំនាញប្រឆាំងគ្រឿងញៀន ធ្វើកាបង្រ្កាបជនសង្ស័យចំនួន០៤នាក់ករណីជួញដូរ និង ប្រើប្រាស់ដោយខុសច្បាប់នូវសារធាតុញៀន
មណ្ឌលគិរី÷ ក្រោមការចង្អុរបង្ហាញពី លោកឧត្តមសេនីយ៍ទោ ឡោ សុខា ស្នងការនគរបាលខេត្តបានដាក់ចេញនូវផែនការក្ដៅយ៉ាងម៉ឺងម៉ាត់ក្នុងការទប់ស្កាត់នៅរាល់ បទល្មើសគ្រឿងញៀនគ្រប់ប្រភេទទូទាំងខេត្តមណ្ឌលគិរី។ និងមានការចូលរួមពីលោកអនុភូមិអូរអាមលោកក្រុមប្រឹក្សាឃុំស្រែខ្ទុម ស្រុកកែវសីមា មានការសម្របសម្រួលពីលោក ស៊ាវ ងីឈាន់ព្រះរាជអាជ្ញារងអមសាលាដំបូងខេត្តមណ្ឌលគិរី កម្លាំងសមត្ថកិច្ចយើងបានធ្វើការបង្រ្កាបករណីជួញដូរ និង ប្រើប្រាស់ដោយខុសច្បាប់នូវសារធាតុញៀនកាលពីថ្ងៃទី២៧ ខែមីនា ឆ្នាំ២០២៣ មានចំនួន ២ទីតាំង នៅក្រុងសែនមនោរម្យ នឹងស្រុកកែវសីមា ខេត្តមណ្ឌលគិរី។ ធ្វើការឃាត់ខ្លួនជនសង្ស័យបានចំនួន ០៤នាក់ មានឈ្មោះដូចខាងក្រោម
ទី១/ឈ្មោះ រិន រ៉ូត ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ ពិនិត្យទឹកម៉ូត្រ លទ្ឋផលវិជ្ជមាន ( + ) ។
ទី២/ឈ្មោះ សៀក ម៉ៅ ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដពិនិត្យទឹកម៉ូត្រ លទ្ឋផលវិជ្ជមាន ( + ) ។
ទី៣/ឈ្មោះ អ៊ុន ប៊ុនរ៉ុង ភេទប្រុស អាយុ ២៧ឆ្នាំ ជនជាតិខ្មែរ មុខរបរមិនពិតប្រាកដពិនិត្យទឹកម៉ូត្រវិជ្ជមាន ( + ) ។
ទី៤/ឈ្មោះ មឿន សុខណៃ ភេទប្រុសអាយុ២៩ឆ្នាំ ជនជាតិខ្មែរ មុខរបរមិនពិតប្រាកដពិនិត្យទឹកម៉ូត្រ វិជ្ជមាន ( + ) ។ ជនសង្ស័យឈ្មោះ ចាន់ កុសល ភេទប្រុស ដែលជាម្ចាស់ទីតាំងជួញដូរថ្នាំញៀនខាងលេីបានរត់គេចខ្លួនបាត់នៅពេលសមត្ថកិច្ចកំពុងចុះបង្ក្រាប។
បានធ្វេីការឆែកឆេរ ចាប់យកសម្ភារៈ វត្ថុតាងរួមមាន ទូរស័ព្ទចំនួន ០២គ្រឿង. ម៉ាក oppo ពណ៌ខៀវ ១គ្រឿងនឹង ម៉ាន Nokia ចុចពិលពណ៌ ផ្ទៃមេឃ ចំនួន ១ គ្រឿង ។ ជញ្ជីងសម្រាប់ថ្លឹងថ្នាំញៀនចំនួន ០១គ្រឿង ថង់វេចខ្ចប់ នឹងឧបករណ៍កែឆ្នៃសម្រាប់ជក់ថ្នាំញៀនមួយចំនួន ។
បច្ចុប្បន្នជនសង្ស័យទាំង០៤នាក់ខាងលើត្រូវបានកម្លាំងការិយាល័យប្រឆាំងគ្រឿងញៀននិងកម្លាំងអធិការដ្ឋាននគរបាល ក្រុង/ស្រុកកំពុងកសាង សំណុំរឿងទៅតុលាកាចាត់ការទៅតាមនីតិវិធីច្បាប់៕
