តំណាងលោកឧត្ដមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានប្រគល់ថវិកាសមាគមន៍មិត្តនគរបាលជាតិជូនសពសមាជិកសមាគមន៍ចំនួន០៤ នាក់
ខេត្តព្រះសីហនុ ៖ នៅព្រឹកថ្ងៃសុក្រ ១១រោច ខែផល្គុន ឆ្នាំខាល ចត្វាស័ក ពស២៥៦៦ ត្រូវនឹងថ្ងៃទី១៧ ខែមីនា ឆ្នាំ២០២៣ លោកឧត្តមសេនីយ៍ត្រី ប៊ូ គឹមស៊ន ស្នងការរងទទួលផែនកាងារធនធានមនុស្ស និងជាតំណាងដ៏ខ្ពង់ខ្ពស់ លោកឧត្ដមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានប្រគល់ថវិកាសមាគមន៍មិត្តនគរបាលជាតិជូនសពសមាជិកសមាគមន៍ចំនួន០៤ នាក់គឺ ៖
១–សពលោកវរសេនីយ៍ទោ ប្រាក់ សុខ ជានាយរងការិយាល័យនគរបាលទេសចរណ៍ នៃស្នងការដ្ឋាននគរបាលខេត្តព្រះសីហនុ នូវថវិកា ចំនួន ៦,០០០,០០០ រៀល ។
២–សពលោកវរសេនីយ៍ទោ ឃុត ជឿន ជាអតីត នាយការិយាល័យបណ្តុះបណ្តាល នៃស្នងការដ្ឋាននគរបាលខេត្តព្រះសីហនុ នូវថវិកា ចំនួន ៦,០០០,០០០ រៀល ។
៣.សពលោកអនុសេនីយ៍ត្រី នាក់ គីន ជាអតីត មន្រ្តីនគរបាល ប៉ុស្តិ៍រដ្ឋបាលឃុំជើងគោ នៃអធិការដ្ឋាននគរបាលស្រុកព្រៃនប់ នូវថវិកាចំនួន ៦,០០០,០០០ រៀល ។
៤.សពលោកព្រិន្ទបាលទោ ដូង ស្មាន ជាអតីត មន្រ្តីនគរបាល ប៉ុស្តិ៍នគរបាលរដ្ឋបាលឃុំអូរជ្រៅ នៃអធិការដ្ឋាននគរបាលស្រុកព្រៃនប់ នូវថវិកាចំនួន ៦,០០០,០០០ រៀល ៕
