អគ្គិភ័យមួយឆាបឆេះផ្ទះប្រជាពលរដ្ឋ០១ខ្នងនៅស្រុកគាស់ក្រឡ នៅចំណុចភូមិខ្វែង ឃុំដូនបា ស្រុកគាស់ក្រឡ ខេត្តបាត់ដំបង
ខេត្តបាត់ដំបង ៖ ថ្ងៃពុធ ១០កើត ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី០១ ខែមីនា ឆ្នាំ២០២៣ នៅចំណុចភូមិខ្វែង ឃុំដូនបា ស្រុកគាស់ក្រឡ ខេត្តបាត់ដំបង មានករណីអគ្គិភ័យមួយកើតឡើង បណ្តាលឲ្យឆេះផ្ទះចំនួន ១ខ្នងទាំងស្រុង ផ្ទះទំហំ ៦ម៉ែត្រគុណនឹង១២ម៉ែត្រ សង់ពីឈើ ប្រក់សង្ក័សី ជញ្ជាំងឈើ ម្ចាស់ផ្ទះឈ្មោះ ឡុង លក អាយុ ៥៣ឆ្នាំ និងប្រពន្ធឈ្មោះ ម៉ៅ ជីវី អាយុ ៥២ឆ្នាំ រស់នៅភូមិខ្វែង ឃុំដូនបា ស្រុកគាស់ក្រឡ ខេត្តបាត់ដំបង ។ ក្នុងហេតុការណ៍នេះបានបណ្តាលអោយម្ចាស់ផ្ទះម្នាក់ ឈ្មោះ ម៉ៅ ជីវី ត្រូវភ្លើងឆាបរងបួសលើផ្ទៃមុខ(របួសស្រាល) ។ សមត្ថកិច្ច បានអោយដឹងថាគឺបណ្តាលមកពីម្ចាស់ផ្ទះបានធ្វេសប្រហែស បូមសាំងដាក់ដបនៅក្បែរចង្ក្រានដែលមានរងើកភ្លើងបណ្តាលអោយឆាបឆេះ ។
សម្ភារៈខូចខាត៖
-គ្រឿងសង្ហារឹម
-អីវ៉ាន់ចាប់ហួយ
-សម្ភារៈប្រើប្រាស់ក្នុងផ្ទះប្រចាំថ្ងៃ និងរបស់របរផ្សេងៗទៀតមួយចំនួន សរុបជាថវិកា ប្រហែល ៨០,០០០,០០០រៀល ។
ករណីនេះ កម្លាំងនគរបាលស្រុកគាស់ក្រឡ បានដឹកនាំកម្លាំងចុះពន្លត់អគ្គិភ័យនេះដោយប្រើប្រាស់រថយន្តពន្លត់អគិ្គភ័យនៃអធិការស្រុកចំនួន០២គ្រឿង ទើបគ្រប់គ្រងស្ថានការណ៍អគ្គីភ័យនេះបានទាំងស្រុង ៕