លោកឧត្តមសេនីយ៍ត្រី អុឹម វលក្ខណ៍ ស្នងការរង បានចុះសួរសុខទុក្ខ និងនាំយកថវិការរបស់លោកឧត្តមសេនីយ៍ស្នងការ និងលោកជំទាវជូនដល់ លោកអនុសេនីយ៍ឯក ទី សារឹទ្ធ
ខេត្តព្រះសីហនុ៖ នៅរសៀលថ្ងៃព្រហស្បតិ៍ ៤កើត ខែផល្គុន ឆ្នាំខាល ចត្វាស័ក ពស ២៥៦៦ ត្រូវនឹងថ្ងៃទី២៣ ខែកុម្ភៈ ឆ្នាំ២០២៣ លោកឧត្តមសេនីយ៍ត្រី អុឹម វលក្ខណ៍ ស្នងការរង និងជាតំណាងដ៏ខ្ពង់ខ្ពស់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដឹកនាំមន្ត្រីក្រោមឱវាទ នៃការិយាល័យបុគ្គលិក និងការិយាល័យរដ្ឋបាល បានចុះសួរសុខទុក្ខ និងនាំយកថវិការរបស់លោកឧត្តមសេនីយ៍ស្នងការ និងលោកជំទាវ ព្រមទាំងថវិការរបស់មិត្តរួមការងារក្នុងអង្គភាពទាំងអស់ ជូនដល់ លោកអនុសេនីយ៍ឯក ទី សារឹទ្ធ ជាមន្ត្រីនគរបាលការិយាល័យរដ្ឋបាល នៃស្នងការដ្ឋាននគរបាលខេត្តព្រះសីហនុ ដែលកំពុងសម្រាកព្យាបាលជម្ងឺនៅគេហដ្ឋាន ក្រុមទី៨ ភូមិ៣ សង្កាត់លេខ២ ក្រុង-ខេត្តព្រះសីហនុ ៕
