ពិធីសំណេះសំណាលសួរសុខទុក្ខកងកម្លាំងបោសសម្អាតមីន និងគ្រាប់មិនទាន់ផ្ទុះ នៃមជ្ឈមណ្ឌលជាតិ គ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម
ខេត្តកោះកុង៖ ថ្ងៃព្រហស្បតិ៍ ១១ រោច ខែមាឃ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៦ ខែកុម្ភៈ ឆ្នាំ២០២៣ លោក ស្រេង ហុង អភិបាលរង នៃគណៈអភិបាលខេត្តកោះកុង និងជាប្រធានគណៈកម្មាធិការសកម្មភាពមីនខេត្ត បានអញ្ជេីញស្វាគមន៍ ឯកឧត្តមនាយឧត្តមសេនីយ៍ សែម សុវណ្ណនី អនុប្រធានទី២ អាជ្ញាធរមីន ក្នុងពិធីសំណេះសំណាលសួរសុខទុក្ខកងកម្លាំងបោសសម្អាតមីន និងគ្រាប់មិនទាន់ផ្ទុះ នៃមជ្ឈមណ្ឌលជាតិ គ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម (NPMEC) ដែលកំពុងបំពេញកិច្ចប្រតិបត្តិការក្រោម គម្រោងសម្តេចតេជោសម្រាប់សកម្មភាពមីនក្រោមមូលបទ “ផ្តល់ដីសុវត្ថិភាព បង្កើតស្នាមញញឹម” នៅឃុំកោះស្តេច ស្រុកគិរីសាគរ ខេត្តកោះកុង ។
