តំណាងលោកឧត្ដមសេនីយ៍ទោ សម សាមួន ស្នងការនគរបាលខេត្ត ដឹកនាំកងកម្លាំងនគរបាល អញ្ជើញចូលរួមគោរពវិញ្ញាណក្ខន្ធសពលោកអនុសេនីយ៍ឯក ស្រី ឡុច ជានាយរងផ្នែក ការរិយាល័យសន្តិសុខផ្ទៃក្នុង ដែលបានទទួលមរណៈភាព
ខេត្តកំពង់ស្ពឺ៖ នៅថ្ងៃសុក្រ ១២ រោច ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនិងថ្ងៃទី១៧ ខែកុម្ភៈ ឆ្នាំ២០២៣ លោកឧត្តមសេនីយ៍ត្រី អៀង អុល ស្នងការរង ទទួលផែនការងារធនធានមនុស្ស នៃស្នងការដ្ឋាននគរបាលខេត្ដកំពង់ស្ពឺ តំណាងលោកឧត្ដមសេនីយ៍ទោ សម សាមួន ស្នងការនគរបាលខេត្ត ដឹកនាំកងកម្លាំងនគរបាល អញ្ជើញចូលរួមគោរពវិញ្ញាណក្ខន្ធសពលោកអនុសេនីយ៍ឯក ស្រី ឡុច ជានាយរងផ្នែក ការរិយាល័យ សន្តិសុខផ្ទៃក្នុង ដែលបានទទួលមរណៈភាព នៅថ្ងៃទី១៦ ខែកុម្ភៈ ឆ្នាំ២០២៣ មានទីលំនៅភូមិត្រាំកង់ ឃុំស្តុក ស្រុកគងពិសី ខេត្ដកំពង់ស្ពឺ ដោយជំងឺក្រិនថ្លើម និងបានបំពាក់ឋានន្តរសក្ដិថ្នាក់វរសេនីយ៍ត្រី ជាកិច្ចបច្ឆាមរណៈ និងនាំយកនូវបច្ច័យ ថវិកាសមាគមន៍មិត្តនគរបាល ចំនួន ៦,០០០,០០០៛ រួមទាំងបច្ច័យបងប្អូនកងកម្លាំងនគរបាលខេត្តកំពង់ស្ពឺចំនួន ២,៧៥០,០០០៛ និងសម្ភារៈមួយចំនួនចូលរួមក្នុងពិធីបុណ្យសពផងដែរ ។