លោកឧត្ដមសេនីយ៍ទោ ហួត សុធី ចាត់កម្លាំងជំនាញចុះផ្សព្វផ្សាយណែនាំស្តីពីច្បាប់ចរាចរណ៍ផ្លូវគោក ដល់សិស្សានុសិស្ស នៅវិទ្យាល័យអន្លង់វែង
ខេត្តឧត្ដរមានជ័យ៖ នៅព្រឹកថ្ងៃអង្គារ ៩រោច ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៤ ខែកុម្ភៈ ឆ្នាំ២០២៣ ដោយមានការចង្អុលបង្ហាញណែនាំពីសំណាក់ លោកឧត្តមសេនីយ៍ទោ ហួត សុធី ស្នងការនគរបាលខេត្ត កម្លាំងផែនការងារសណ្តាប់ធ្នាប់សាធារណៈ និងកម្លាំងប៉ុស្តិ៍នគរបាលរដ្ឋបាលអន្លង់វែង នៃអធិការដ្ឋាននគរបាលស្រុកអន្លង់វែង បានសហការជាមួយការិយាល័យអប់រំយុវជន និងកីឡាស្រុកអន្លង់វែង លោកនាយក លោកគ្រូ អ្នកគ្រូ វិទ្យាល័យអន្លង់វែង ចុះផ្សព្វផ្សាយណែនាំស្តីពីច្បាប់ចរាចរណ៍ផ្លូវគោក ដល់សិស្សានុសិស្ស និងចែកជូនសៀវភៅច្បាប់ស្ដីពីចរាចរណ៍ផ្លូវគោកផងដែរ ដែលធ្វើឡើងនៅវិទ្យាល័យអន្លង់វែង ដោយមានការចូលរួម ពីលោកគ្រូ អ្នកគ្រូ សិស្សានុសិស្ស សរុបចំនួន ២០៥៨ នាក់ ស្រី១១០៩ នាក់ ។
