ពិធីបិទកិច្ចសវនកម្មផ្ទៃក្នុង នៅស្នងការដ្ឋាននគរបាលខេត្តសៀមរាប សម្រាប់ការិយបរិច្ឆេទ២០២១ និងបណ្ដាឆ្នាំពាក់ព័ន្ធ
សៀមរាប ៖ នាព្រឹកថ្ងៃអង្គារ ៨រោច ខែអស្សុជ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៨ ខែខតុលា ឆ្នាំ២០២២ វេលាម៉ោង ០៨ និង៣០នាទី នៅសាលប្រជុំនៃស្នងការដ្ឋាននគរបាលខេត្តសៀមរាប មានរៀបចំពិធីបិទកិច្ចសវនកម្មផ្ទៃក្នុង ការិយបរិច្ឆេទ២០២១ និងបណ្ដាឆ្នាំពាក់ព័ន្ធ ក្រោមអធិបតីភាព ឯកឧត្តម ឧត្តមសេនីយ៍ឯក ជឺ សាន អគ្គនាយករង នៃអគ្គនាយកដ្ឋានសវនកម្មផ្ទៃក្នុងនិងជាប្រធានគណៈប្រតិភូក្រុមការងារសវនកម្មផ្ទៃក្នុង ក្រសួងមហាផ្ទៃ និងលោក ឧត្តមសេនីយ៍ត្រី តេង ច័ន្ទណាត ។
កិច្ចសវនកម្មផ្ទៃក្នុង ការិយបរិច្ឆេទ២០២១ និងបណ្ដាឆ្នាំពាក់ព័ន្ធ នៅស្នងការរដ្ឋាននគរបាលខេត្តសៀមរាប ដោយប្រតិភូ នៃអគ្គនាយកដ្ឋានសវនកម្មផ្ទៃក្នុង បានខិតខំប្រឹងប្រែង ធ្វេីការត្រួតពិនិត្យតាមបណ្ដាផែន ការិយាល័យជំនាញ និងអធិការដ្ឋាននគរបាលក្រុង–ស្រុក ជាលទ្ធផលសង្កេតឃេីញថាមានភាពល្អប្រសេីរ ក្នុងនោះស្នងការរដ្ឋាននគរបាលខេត្តសៀមរាប បានចូលរួមសហការណ៍យ៉ាងសកម្ម ដេីម្បីជម្រុញការងារនេះឲ្យទទួលបានជោគជ័យផងដែរ ។
ពិធីបិទសវនកម្មនាព្រឹកនេះដែរមានការអញ្ជេីញចូលរួមពីសំណាក់៖ លោកឧត្តមសេនីយ៍ វរសេនីយ៍ ប្រតិភូអមដំណេីរ លោកស្នងការរងគ្រប់រូប លោក អនុប្រធានផែន លោកនាយ–ការិ.ជំនាញ លោក អធិការនគរបាលក្រុង–ស្រុក ទាំង១២ ផងដែរ ៕
