កម្លាំងអធិការដ្ឋាននគរបាលស្រុកបាណន់ បានធ្វេីការបង្ក្រាបករណីហិង្សាដោយចេតនាមានស្ថានទម្ងន់ទោស០១លើក
ខេត្តបាត់ដំបង៖ នៅថ្ងៃទី១២ ខែកញ្ញា ឆ្នាំ២០២២ វេលាម៉ោង២៤ និង៤៥នាទី កម្លាំងអធិការដ្ឋាននគរបាលស្រុកបាណន់ បានធ្វេីការបង្ក្រាបករណីហិង្សាដោយចេតនាមានស្ថានទម្ងន់ទោស (ប្រើប្រាស់អាវុធកាំបិត) ០១លេីក ដោយជនសង្ស័យប្រើប្រាស់កាំបិតកាប់ត្រីកាប់ទៅលើជនរងគ្រោះរងរបួសធ្ងន់ស្រាល នៅត្រង់ចំណុចនៅចំណុចឈ្នាន់៣ ស្ថិតក្នុងភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង។
ករណីនេះ ដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការងផែនការងារនគរបាលព្រហ្មទ័ណ្ឌ លោកវរសេនីយ៍ឯក ប៉ាន់ វ៉ាន់នី ជាអធិការ បានដឹកនាំកម្លាំងនគរបាលជំនាញសហការជាមួយកំលាំងនគរបាលប៉ុស្តិ៍រដ្ឋបាលកន្ទឺ១ ធ្វើការស៊េីបអង្កេតស្រាវជ្រាវរហូតឈានដល់ការឃាត់ខ្លួនជនសង្ស័យចំនួន ០៣នាក់ ១.ឈ្មោះ ផាន រ៉ានី ហៅ ណៃ ភេទប្រុស អាយុ ២៧ឆ្នាំ រស់នៅភូមិធ្ង័រ ឃុំចែងមានជ័យ ស្រុកបាណន់ ខេត្តបាត់ដំបង
២.ឈ្មោះ ផាន ស៊ីណេង ភេទប្រុស អាយុ ២៥ឆ្នាំ រស់នៅភូមិធ្ង័រ ឃុំចែងមានជ័យ ស្រុកបាណន់ ខេត្តបាត់ដំបង
៣.ឈ្មោះ រ៉ាត់ ចាន់រី ភេទប្រុស អាយុ ២០ឆ្នាំ រស់នៅភូមិធ្ង័រ ឃុំចែងមានជ័យ ស្រុកបាណន់ ខេត្តបាត់ដំបង។
ជនសង្ស័យទាំង ០៣នាក់បានប្រើប្រាស់កាំបិតកាប់ត្រីកាប់ទៅលើជនរងគ្រោះចំនួន ០២នាក់
១.ឈ្មោះ វ៉ាន់ រក្សាភេទប្រុស អាយុ២៣ឆ្នាំ រស់នៅភូមិកំប៉ង់កើត ឃុំកន្ទឺ២ ស្រុកបាណន់ រងរបួសចំកំភួនដៃខាងស្ដាំដេរចំនួន ១០ធ្នេរ និងជើងខាងឆ្វេងដេរចំនួន ០៦ធ្នេរ ជនរងគ្រោះ
២.ឈ្មោះ ចាយ ឈួត ភេទប្រុស អាយុ២២ឆ្នាំ រស់នៅភូមិកំប៉ង់កើត ឃុំកន្ទឺ២ ស្រុកបាណន់ រងរបួសចំសៀតផ្កាខាងស្ដាំដេរ ០៧ធ្នេរ។
ក្រោយឃាត់ខ្លួនសមត្ថកិច្ចបាននាំខ្លួនជនដៃដល់ទាំង ០៣នាក់មកកាន់អធិការដ្ឋាននគរបាលស្រុកបាណន់ដេីម្បីធ្វេីការសាកសួរចម្លេីយ ជនសង្ស័យបានឆ្លេីយសារភាពថាមូលហេតុដែលឈានដល់ការអំពេីហិង្សាខាងលេីនេះ គឺបណ្តាលមកពីមានជម្លោះនឹងគ្នារឿងរកត្រីដោយប្រើប្រាស់ឧបករណ៍ឆក់ដោយខុសច្បាប់។
បច្ចុប្បន្ន ជនសង្ស័យទាំង០៣នាក់ខាងលើត្រូវបានកម្លាំងនគរបាលកសាងសំណុំរឿងបញ្ជូនទៅការិយាល័យជំនាញខេត្ត ដេីម្បីចាត់ការតាមនីតិវិធីច្បាប់៕
