នគរបាលស្រុកឧដុង្គចុះផ្សព្វផ្សាយសេចក្តីណែនាំស្ដីពី ការបញ្ឈប់ ការទទួល ការប្រើប្រាស់អត្តសញ្ញាណប័ណ្ណសញ្ជាតិខ្មែរ សៀវភៅស្នាក់នៅ(ក២) និងសៀវភៅគ្រួសារ(ក៤) ដើម្បីយកទៅបញ្ចាំឬ ប្រើប្រាស់ជាវត្ថុធានាលើការផ្ដល់ឥណទានផ្សេងៗ
កំពង់ស្ពឺ ៖ នៅថ្ងៃព្រហស្បតិ៍ ១៣រោច ខែស្រាពណ៍ ឆ្នាំខាល ចត្វាស័ក ព.ស២៥៦៦ ត្រូវនិងថ្ងៃទី២៥ ខែ សីហា ឆ្នាំ២០២២ លោកវរសេនីយ៍ឯក ខឹម សាម៉ុន អធិការនគរបាលស្រុកឧដុង្គ បានចាត់កម្លាំងផ្នែកអត្តសញ្ញាណកម្មស្រុក សហការជាមួយមេឃុំក្សេមក្សាន្ត ស្រុកឧដុង្គ បានចុះផ្សព្វផ្សាយសេចក្តីណែនាំស្ដីពី ការបញ្ឈប់ ការទទួល ការប្រើប្រាស់អត្តសញ្ញាណប័ណ្ណសញ្ជាតិខ្មែរ សៀវភៅស្នាក់នៅ(ក២) និងសៀវភៅគ្រួសារ(ក៤) ដើម្បីយកទៅបញ្ចាំឬ ប្រើប្រាស់ជាវត្ថុធានាលើការផ្ដល់ឥណទានផ្សេងៗ ដល់អាជីវករផ្សារបាត់ដឹង ប្រកបរបរលក់ បង់រំលស់ទូរស័ព្ទចំនួន៨ទីតាំង ហាងបញ្ចាំចំនួន១ទីតាំង ហាងលក់ និងបង់រំលស់ម៉ូតូចំនួន១ ទីតាំង ៕
