លោកឧត្តមសេនីយ៍ត្រី ស្រុី សុវណ្ណ ស្នងការរង បានដឹកនាំក្រុមការងារចុះមកសួរសុខទុក្ខ លោកវរសេនីយ៍ទោ គឹម សំរ៉ុង នាយរងការិយាល័យផ្សព្វផ្សាយអប់រំ ដែលជួយគ្រោះថ្នាក់ចរាចរណ៍
ខេត្តកំពង់ឆ្នាំង៖ ថ្ងៃពុធ ៧រោច ខែអាសាឍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២០ ខែកក្កដា ឆ្នាំ២០២២ លោកឧត្តមសេនីយ៍ត្រី ស្រុី សុវណ្ណ ស្នងការរងទទួលផែនការងារធនធានមនុស្ស ជាតំណាងដ៏ខ្ពង់ខ្ពស់ លោកឧត្តមសេនីយ៍ទោ ខូវ លី ស្នងការនៃស្នងការដ្ឋាននគរបាលខេត្តកំពង់ឆ្នាំង បានដឹកនាំក្រុមការងារចុះមកសួរសុខទុក្ខ
លោកវរសេនីយ៍ទោ គឹម សំរ៉ុង នាយរងការិយាល័យផ្សព្វផ្សាយអប់រំ ដែលជួយគ្រោះថ្នាក់ចរាចរណ៍ (ឆ្កែរត់ចូលម៉ូតូ) ពេលដែលទៅបំពេញការងារនៅស្រុកកំពង់ត្រឡាច កាលពីថ្ងៃទី១៣ ខែកក្កដា ឆ្នាំ២០២២ កំពុងសម្រាកព្យាបាលនៅគេហដ្ឋាន។
ក្នុងឱកាសនោះដែរ លោកស្នងការរង ក៏បានពាំនាំពាក្យផ្តាំផ្ញើសួរសុខទុក្ខពីសំណាក់លោកឧត្តមសេនីយ៍ទោស្នងការ និងការផ្ដាំផ្ញើរបស់លោកផ្ទាល់ ជូនពរសូមអោយមានសុខភាពល្អ និងឆាប់ជាសះស្បើយពីជំងឺ និងបាននាំយកថវិកា មួយចំនួនដែលបានមកពីការចូលរួមរបស់កងកម្លាំងទូទាំងខេត្តទៅឧបត្ថម្ភ ដើម្បីជាការជួយសម្រាលក្នុងការព្យាបាលជំងឺផងដែរ ៕