លោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ អញ្ជើញជាអធិបតីក្នុងពិធីសម្ពោធអគារសេនាធិការ នៃអធិការដ្ឋាននគរបាលស្រុកសំរោងទង
កំពង់ស្ពឺ ៖ នៅអធិការដ្ឋាននគរបាលស្រុកសំរោងទង បានរៀបចំកម្មវិធីសម្ពោធនិងដាក់ឱ្យប្រេីប្រាស់អគារសេនាធិការមួយខ្នងដែលទេីបនិងសម្រេចកសាងក្នុងឆ្នាំ២០២២ ក្រោមកិច្ចចង្អុលណែនាំផ្ដួចផ្ដេីមប្រកបដោយទស្សនៈឈ្វេងយល់អំពីសំណាក់លោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានដំណេីរការរៀបចំកសាងអគារមួយដែលមានបន្ទប់ប្រជុំ បន្ទប់បំពេញ ការងារ បន្ទប់រង់ចាំនិងបន្ទប់មួយចំនួនទៀតក្នុងការបម្រេីអោយការងារប្រចាំថៃ្ងក្នុងអង្គភាព នៃអធិការដ្ឋាននគរបាលស្រុកសំរោងទង ។
ដោយបានគោលការណ៍ដឹកនាំដ៏ខ្ពង់ខ្ពស់ពីសំណាក់ ឯកឧត្ដម នាយឧត្ដមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ នៅនៅព្រឹកថៃ្ងចន្ទ ៤កេីត ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទីទ០៤ ខែកក្តដា ឆ្នាំ២០២២ លោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ រួមជាមួយលោកក្រុមប្រឹក្សាស្រុក លោកអភិបាលរង នៃគណៈអភិបាលស្រុកសំរោងទង បានអញ្ជើញជាអធិបតីដ៏ខ្ពង់ខ្ពស់ ក្នុងពិធីសម្ពោធអោយប្រេីប្រាស់អគារសេនាធិការមួយខ្នង នាឱកាសនេះមានការអញ្ញេីញចូលរួមពីសំណាក់ អស់លោក លោកស្រី ស្នងការរង លោកនាយការិយាល័យជំនាញខេត្តកំពង់ស្ពឺ លោកអធិការ ក្រុង ស្រុក ទាំង៨ និងនាយប៉ុស្ដិ៍នគរបាលរដ្ឋបាល និងអស់លោកមន្រ្ដីតាមឋានានូក្រមជាច្រេីនរូបទៀត ។
មានប្រសាសន៍ក្នុងពិធីលោកឧត្ដមសេនីយ៍ទោ សម សាមួន ស្នងការនគរបាលខេត្ត បានថ្លែងការកោតសរសេីរចំពោះការខិតខំប្រឹងប្រែងរបស់លោកអធិការនគរបាលស្រុកសំរោងទង និងកងកម្លាំងក្រោមឱវាទដែលបានលះបង់កំលាំងកាយចិត្ដក្នុងបុព្វហេតុការពាររក្សាសន្ដិសុខសណ្ដាប់ធ្នាប់នៅក្នុងកិច្ចការជាច្រេីនទៀតរួមទាំងការកសាងអង្គភាពជំរុំជម្រកកន្លែងធ្វេីការដេីម្បីបម្រេីកិច្ចការជាមូលដ្ឋានជូនប្រជាពលរដ្ឋនិងរួមចំណែកក្នុងកិច្ចការសង្គមជាតិ ។
ក្នុងឱកាសនៃការចូលរួមដាក់អោយដំណេីរការអគារសេនាធិការលោកស្នងការបានធ្វេីការឧបត្ថម្ភបន្ថែមជូនដល់អធិការដ្ឋាននូវថវិកាសម្ភារៈសុីម៉ង់ដេីម្បីមានលទ្ធភាពបន្ដកសាងរបង ទីធ្លា បរិវេណ អធិការដ្ឋាននគរបាលសស្រុកសំរោងទង តាមតម្រូវការជាក់ស្ដែងរួមចំណែកការឧបត្ថម្ភនេះផងដែរលោក លោកស្រី ស្នងការរង សម្បុរជនមួយចំនួនបានរួមចំណែកក្នុងការឧបត្ថម្ភនេះផងដែរ៕