កម្លាំងនគរបាលស្រុករលាប្អៀរ ធ្វើការឃាត់ខ្លួនជនសង្ស័យម្នាក់ពាក់ព័ន្ធករណីប្រើប្រាស់ និងជួញដូរនូវសាធាតុញៀនខុសច្បាប់
ខេត្តកំពង់ឆ្នាំង៖ នៅថ្ងៃពុធ ២កើត ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០១ ខែមិថុនា ឆ្នាំ២០២២ វេលាម៉ោង១០ និង៣០នាទីព្រឹក កម្លាំងផ្នែកប្រឆាំងគ្រឿងញៀនស្រុក សហការជាមួយប៉ុស្តិ៍នគរបាលរដ្ឋបាល រលាប្អៀរ បានល្បាតនៅចំណុច សួនច្បារ អាងទឹកទំនប់ឈ្វាំង ស្ថិតក្នុងភូមិព្រៃខ្មែរ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង ប្រទះឃើញជនសង្ស័យ ឈ្មោះ កុយ ណាឫទ្ធិ បើករថយន្តទៅមក នៅទីនោះនិងជាមុខសញ្ញាចាស់ផង(ធ្លាប់ចាប់យកទៅមណ្ឌលអប់រំកែប្រែនៅខេត្តបាត់ដំបងពាក់ព័ន្ធករណីប្រើប្រាស់នូវសាធាតុញៀនខុសច្បាប់) ដោយមានការសង្ស័យ សមត្ថកិច្ចយើង បានធ្វើការសាកសួរ និងសុំ ត្រួតពិនិត្យ តែជនសង្ស័យ មិនសហការហើយព្យាយាមបើករថយន្តរត់គេចខ្លួន និងបុកប៉ារ៉ាស ដែលសមត្ថកិច្ចបានដាក់ស្ទាក់ ជាច្រើនកន្លែង ដោយមានការសហការពីកំលាំងអធិការដ្ឋាននគរបាលស្រុកកំពង់ត្រឡាច និងស្រុកសាមគ្គីមានជ័យ ទើបស្ទាក់ចាប់បានរថយន្ត នៅចំណុច ស្ពានច្រលងម៉ៅ ស្ថិតក្នុងភូមិលាច ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង ។ក្នុងកិច្ចប្រតិបត្តិការនេះ វត្ថុតាងដកហូតមានរថយន្ត មួយគ្រឿង ថ្នាំញៀនចំនួន៣៧ កញ្ចប់ (តូច+ធំ) ទម្ងន់៧១,៣៥ ក្រាម ទូរសព្ទដៃមួយគ្រឿង ។ ជនសង្ស័យ ព្រមទាំងវត្ថុតាងខាងលើកម្លាំងជំនាញកសាងសំណុំរឿងប្រគល់ មកការិយាល័យ ជំនាញប្រឆាំងគ្រឿងញៀន ស្នងការដ្ឋាននគរបាលខេត្ត ដើម្បីបន្តនិតិវិធី ៕
