បង្រ្កាបជនសង្ស័យ៣នាក់ ពីបទចែកចាយ និងជួញដូរគ្រឿងញៀន រួមនឹងដកហូតអាវុធមួយចំនួន
ខេត្តបាត់ដំបង៖ កាលពីថ្ងៃចន្ទ ៩កេីត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី៩ ខែឧសភា ឆ្នាំ២០២២ វេលាម៉ោង១៦និង៣០ នាទីស្ថិតនៅចំណុចក្រុមទី៤២ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោសាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់របស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន និងដោយបានការសម្របសម្រួលលេីនីតិវិធីពីឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបងផងនោះ លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានដឹកនាំកម្លាំងជំនាញប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបង រួមជាមួយកម្លាំងក្រុមអន្តរាគម៍ចុះបង្រ្កាប ករណីរក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង និងឃាត់ខ្លួនជនសង្ស័យចំនួន ០៣នាក់គឺ៖
១-ឈ្មោះ អេង មករា ភេទប្រុស អាយុ ២៥ឆ្នាំ រស់នៅភូមិរំចេក១ សង្កាត់រតន: ក្រុងបាត់ដំបង ខេត្តបាត់ដំបង។
២-ឈ្មោះ ទឹង សេងលី ភេទប្រុស អាយុ ៣២ឆ្នាំ មានទីលំនៅភូមិតាព្រួច សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង។
៣-ឈ្មោះ កែវ វិសាល ហៅ ញ៉ាញ់ ភេទប្រុស អាយុ ២០ឆ្នាំ មានទីលំនៅភូមិវត្តលៀប សង្កាត់ចំការសំរោង ក្រុងបាត់ដំបង ខេត្តបាត់ដំបង។
វត្ថុតាងដកហូតរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន០៤ថង់ សង្ស័យមានសារធាតុញៀន។
-កាំភ្លើងកែច្នៃបាញ់គ្រាប់កង់ ១ដើម និងកាំបិត ២ដើម ។
-កាបូបដាក់ប្រាក់ពណ៌ខ្មៅ១, ទូរស័ព្ទដៃ ០២គ្រឿង និងថង់សម្រាប់រំលែកច្រកថ្នាំញៀនមួយចំនួន។
នៅពេលនេះ នគរបាលក្រុងបាន រៀបចំសំណុំរឿងបញ្ជូនមកការិយាល័យជំនាញអនុវត្តតាមនីតិវិធីច្បាប់៕
