តំណាងលោកឧត្តមសេនីយ៍ទោ សម សាមួន ចុះសួរសុខទុក្ខនិងនាំយកថវិកាសម្ភារៈមួយចំនួនឧបត្ថម្ភដល់គ្រួសារមន្ត្រីនគរបាលចំនួន៣រូបដល់គេហដ្ឋាន
កំពង់ស្ពឺ ៖ នៅថ្ងៃអង្គារ ១០កើត ខែពិសាខ ឆ្នាំខាល ចត្វាស័ក ព.ស២៥៦៥ ត្រូវនឹងថ្ងៃទី១០ ខែឧសភា ឆ្នាំ២០២២ ក្រុមការងារយេនឌ័រ និងជាអនុសាខា សមាគមនារី នៃស្នងការដ្ឋាននគរបាលខេត្តកំពង់ស្ពឺ ដឹកនាំដោយលោកស្រីឧត្តមសេនីយ៍ត្រី ងិន សុគន្ធា ស្នងការរង និងក្រុមការងារ តំណាង លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានចុះសួរសុខទុក្ខមន្ត្រីនគរបាលចំនួន០៣នាក់ ៖
ទី១.លោកស្រីវរសេនីយ៍ត្រី ពេជ្រ ស្រីឡឹង នាយផ្នែក ការិយាល័យភស្តុភារ និងហិរញ្ញវត្ថុដោយ ស្វាមីមានជំងឺមហារីក កំពុងសំរាកព្យាបាលនៅគេហដ្ឋាន ។
ទី២.លោកស្រីវរសេនីយ៍ត្រី ឆឹង សត្យា នាយរងការិយាល័យសណ្តាប់ធ្នាប់ ដែលលំហែរមាតុភាពសម្រាកនៅគេហដ្ឋាន ។
ទី៣.លោកស្រីអនុសេនីយ៍ទោ សិទ្ធ សេរី មន្ត្រីការិយាល័យអន្តរាគមន៍ ដែលលំហែរមាតុភាពសម្រាកនៅគេរហដ្ឋាន ។
ក្នុងឱកាសសួរសុខទុក្ខនោះដែរ លោកស្រីឧត្តមសេនីយ៍ត្រីស្នងការរង ក៏បានជូនពរ សូមឲ្យគ្រួសារលោកស្រីវរសេនីយ៍ត្រី ពេជ្រ ស្រីឡឹង ឆាប់ជាសះស្បើយ មានសុខភាពល្អឡើងវិញឆាប់ៗ និងបានប្រគល់ជូនថវិការក្នុងម្នាក់ៗ ចំនួន ២០០.០០០រៀល និងសម្ភារ:មួយចំនួនទៀតផងដែរ ៕
