លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម និងសហការី អញ្ជើញចូលជួបសម្ដែងការគួរសម និងគោរពជូនពរថ្នាក់ដឹកនាំ
កំពង់ចាម៖ នៅព្រឹកថ្ងៃទី១១ ខែមេសា ឆ្នាំ២០២២ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដឹកនាំ លោក-លោកស្រីស្នងការរង លោកនាយការិយាល័យ និងលោកអធិការនគរបាលស្រុក-ក្រុង នៃស្នងការដ្ឋាននគរបាលខេត្ត បានចូលជួបសម្ដែងការគួរសម និងគោរពជូនពរ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំខាល ចត្វាស័ក ព.ស ២៥៦៦ ៖
១-ឯកឧត្តម ហ៊ុន ណេង សមាជិកអចិន្ត្រៃយ៍រដ្ឋសភា ប្រធានគណៈកម្មាធិការទី៤ ទទួលបន្ទុក មហាផ្ទៃ ការពារជាតិ និងមុខងារសាធារណៈ នៃរដ្ឋសភា និងជាអ្នកតំណាងរាស្ត្រ មណ្ឌលកំពង់ចាម
២-ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម
ក្នុងឱកាសនោះដែរ លោកឧត្តមសេនីយ៍ស្នងការក៏បាន រាយការណ៍អំពីលទ្ធផលការងារមួយចំនួនដែលសម្រេចបានរយៈពេលកន្លងមកនេះ ព្រមទាំងទទួលបាននូវអនុសាសន៍ចង្អុលណែនាំបំពេញបន្ថែមមួយចំនួន សម្រាប់យកទៅអនុវត្ដក្នុងទិសដៅបន្ដ ពិសេសការរៀបចំផែនការ ការពារ សន្តិសុខ រក្សាសុវត្ថិភាព សណ្ដាប់ធ្នាប់ សាធារណៈ ក្នុងរដូវកាលបុណ្យចូលឆ្នាំថ្មី ប្រពៃណីជាតិខ្មែរខាងមុខនេះ ផងដែរ ៕