លោកឧត្តមសេនីយ៍ស្នងការនគរបាលខេត្តកំពង់ចាម អញ្ជើញដឹកនាំកិច្ចប្រជុំផ្សព្វផ្សាយផែនការ និងការងារចាំបាច់មួយចំនួន
កំពង់ចាម៖ នៅព្រឹកថ្ងៃទី០១ ខែមេសា ឆ្នាំ២០២២ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដឹកនាំកិច្ចប្រជុំផ្សព្វផ្សាយផែនការដែលទទួលបានពីអង្គសន្និបាត នៅក្រសួងមហាផ្ទៃ និងកិច្ចការងារចាំបាច់មួយចំនួន ៖
១-ត្រៀមអនុវត្តផែនការ ការពារសន្តិសុខ សណ្ដាប់ធ្នាប់ រក្សាសុតិ្ថភាព តាមដងផ្លូវជូនប្រតិភូជាន់ខ្ពស់ក្នុងផែនការដែលត្រូវឆ្លងកាត់ខេត្តកំពង់ចាម
២-ត្រៀមអនុវត្តផែនការ ការពារសន្តិសុខ សណ្ដាប់ធ្នាប់ រក្សាសុវតិ្ថភាព ជូន ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជេីងគោក តំណាងដ៏ខ្ពង់ខ្ពស់របស់ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
៣-ត្រៀមរៀបចំកម្លាំងមន្រ្តីនគរបាល និងប្រជាការពារ ចូលរួមវគ្គបណ្ដុះបណ្ដាល ហ្វឹកហ្វឺន ដេីម្បីការពារសន្តិសុខ ការបោះឆ្នោតក្រុមប្រឹក្សា ឃុំ-សង្កាត់ នាពេលខាងមុខនេះ
៤-ផ្សព្វផ្សាយ និងអនុវត្តយុទ្ធនាការប្រឆាំងគ្រឿងញៀន លេីកទី៧ ឆ្នាំ២០២២
៥-រៀបចំផែនការ ការពារសន្តិសុខ រក្សាសុវត្ថិភាព សណ្ដាប់ធ្នាប់សារធារណៈ ជូនប្រជាពលរដ្ឋក្នុងឱកាស បុណ្យចូលឆ្នាំប្រពៃណីជាតិខ្មែរ ដែលនឹងប្រព្រឹត្តទៅនាពេលខាងមុខនេះ
៦-ត្រួតពិនិត្យ និងពង្រឹងចំពោះវេនប្រចាំបញ្ជា កម្លាំងត្រៀមចេញអន្តរាគមន៍២៤/២៤ម៉ោង និងល្បាតក្នុងភូមិសាស្រ្ត សំខាន់ៗ
៧-ពង្រឹងវិន័យរបស់កងកម្លាំងនគរបាលជាតិ
សមាសភាពចូលរួមមាន៖ លោកស្នងការរង លោកអនុប្រធានផែន លោកនាយ នាយរង ការិយាល័យ លោកអធិការនគរបាលស្រុក-ក្រុងទាំង១០ លោកអធិការរងទទួលដឹកនាំផែនការងារសេនាធិការ, ផែនការងារប្រឆាំងគ្រឿងញៀន នៃអធិការដ្ឋាននគរបាលក្រុង-ស្រុកទាំង១០ ៕
