លោកឧត្តមសេនីយ៍ត្រី សៅ សារុន លោកឧត្តមសេនីយ៍ត្រី មាស តេន និងលោកឧត្តមសេនីយ៍ត្រី ព្រហ្ម វាសនា តំណាងដ៏ខ្ពង់ខ្ពស់លោកឧត្តមសេនីយ៍ទោ ស្នងការនគរបាលខេត្តតាកែវ បេីកកិច្ចប្រជុំរួមស្តីពីការរៀបចំកម្លាំងការពារសន្តិសុខ សណ្តាប់ធ្នាប់សម្រាប់ការបោះឆ្នោតថ្នាក់ជាតិ~ក្រោមជាតិចាប់ពីឆ្នាំ២០២២ ដល់ឆ្នាំ២០២៤
ខេត្តតាកែវ៖ នាព្រឹកថ្ងៃពុធ ១៣រោច ខែផល្គុន ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៣០ ខែមីនា ឆ្នាំ២០២២ ដោយបានការអនុញ្ញាតិដ៏ខ្ពង់ខ្ពស់ពីលោកឧត្តមសេនីយ៍ទោ ស្នងការនគរបាលខេត្តតាកែវ លោកឧត្តមសេនីយ៍ត្រី សៅ សារុន ស្នងការរង ផែនការងារសេនាធិការ លោកឧត្តមសេនីយ៍ត្រី មាស តេន ស្នងការរង ផែនការងារសន្តិសុខ និងលោកឧត្តមសេនីយ៍ត្រី ព្រហ្ម វាសនា ស្នងការរង ទទួលជំនួយការដឹកនាំការងារ ការិយាល័យកិច្ចការប៉ុស្ដិ៍នគរបាលរដ្ឋបាលបានដឹកនាំ” កិច្ចប្រជុំរួមស្តីពីការរៀបចំកម្លាំងការពារសន្តិសុខ សណ្តាប់ធ្នាប់សម្រាប់ការបោះឆ្នោតថ្នាក់ជាតិ~ក្រោមជាតិចាប់ពីឆ្នាំ២០២២ ដល់ឆ្នាំ២០២៤”ដោយមានការចូលរួមពីៈ លោកនាយការិយាល័យចំណុះឲ្យផែន លោកនាយរង និងនាយផ្នែកទទួលការងាររដ្ឋបាល នៃការិយាល័យជំនាញទាំង៣២ លោកមេបញ្ជការរងទទួលការងារសេនាធិការ នៃវរសេនាតូចការពារព្រំដែនគោកលេខ៦០៣ លោកអធិការរងទទួលការងារសេនាធិការ~ទទួលការងារសន្តិសុខ និងទទួលការងារកិច្ចការប៉ុស្តិ៍ នៃអធិការដ្ឋាននគរបាលគ្រប់ក្រុង ស្រុក លោកនាយប៉ុស្តិ៍នគរបាលរដ្ឋបាលឃុំ សង្កាត់ទាំង១០០ប៉ុស្តិ៍សរុបចំនួន ១៩០នាក់ ស្រីចំនួន ៤នាក់។ មានមតិពាក់ព័ន្ធក្នុងកិច្ចប្រជុំនោះដែរលោកឧត្ដមសេនីយ៍ត្រី ស្នងការរង បានណែនាំបន្ថែមឲ្យត្រួតពិនិត្យបញ្ជីឈ្មោះបោះឆ្នោតតាមការិយាល័យបោះឆ្នោតនិមួយៗឲ្យត្រឹមត្រូវ ពង្រឹងរបៀបរបបការងារប្រចាំថ្ងៃតាមបណ្តាអង្គភាព ឲ្យរៀបចំបែងចែកតួនាទីភារកិច្ចតាមជំនាញរៀងខ្លួន និងស្លៀកពាក់ឯកសណ្ឋានអោយបានសមរម្យជាកងកម្លាំងនគរបាលជាតិ ទុកដាក់ឯកសារអោយបានត្រឹមត្រូវ។ ជាចុងក្រោយលោកឧត្តមសេនីយ៍ត្រី ស្នងការរង បានដាស់តឿនដល់មន្ត្រីនគរបាលក្រោមឱវាទទាំងអស់ត្រូវចូលរួមអនុវត្តន៍នូវវិធានការសុខាភិបាល ជាពិសេសវិធានការរបស់ប្រមុខរាជរដ្ឋាភិបាលកម្ពុជា(៣កុំ និង៣ការពារ)ឲ្យបានខ្ជាប់ខ្ជួនជានិច្ចផងដែរ៕
