ឃាត់ខ្លួនជនជាតិវៀតណាម ៣នាក់ លួចបន្លំឆ្លងដែនខុសច្បាប់ចូលក្នុងប្រទេសកម្ពុជា
ខេត្តបាត់ដំបង៖ នាថ្ងៃចន្ទ ៤រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២១ ខែមីនា ឆ្នាំ២០២២ ដោយអនុវត្តតាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង និងការណែនាំរបស់លោកឧត្តមសេនីយ៍ត្រី ដាញ់ អេងប៊ុនចាន់ ស្នងការរងផែនការងារអន្តោប្រវេសន៍ លោកវរសេនីយ៍ឯក គង់ ផុនដា នាយការិយាល័យស៊ើបអង្កេត និងអនុវត្តនីតិវិធី បានចាត់បញ្ជូនជនជាតិវៀតណាម ចំនួន៣នាក់ បន្លំខ្លួនលួចឆ្លងដែនខុសច្បាប់មកពីព្រះរាជាណាចក្រថៃ ចូលមកព្រះរាជាណាចក្រកម្ពុជា ត្រង់ចំណុចមាត់អូរព្រំដែនកម្ពុជា_ថៃ ភូមិពោធិ៍ជ្រៃ ឃុំសេរីមានជ័យ ស្រុកសំពៅលូន ខេត្តបាត់ដំបង ទៅអគ្គនាយកដ្ឋានអន្តោប្រវេសន៍ ដើម្បីអនុវត្តតាមនីតិវិធី ដែលជនជាតិវៀតណាមទាំង៣នាក់ មានឈ្មោះដូចខាងក្រោមៈ
១-ឈ្មោះ DUONG VAN PHUONG ភេទប្រុស អាយុ ៣៥ឆ្នាំ កាន់លិខិតឆ្លងដែនលេខ C8797146 ទិដ្ឋាការចូលតាមប្រទេសឡាវ។
២-ឈ្មោះ LE THI HIEN ភេទស្រី អាយុ ២៧ឆ្នាំ កាន់លិខិតឆ្លងដែនលេខ N2020433 ទិដ្ឋាការចូលតាមប្រទេសឡាវ។
៣-ឈ្មោះ VO ANH ភេទ ប្រុស អាយុ ២៩ឆ្នាំ កាន់លិខិតឆ្លងដែនលេខ C8887841 ទិដ្ឋាការចូលតាមប្រទេសឡាវ។