ករណីដីកាបង្គាប់ឲ្យចាប់ខ្លួន របស់សាលាដំបូង ខេត្តកណ្តាល
ខេត្តកណ្តាល៖ នៅថ្ងៃទី១២ ខែមករាឆ្នាំ២០២២ ករណីដីកាបង្គាប់ឲ្យចាប់ខ្លួន របស់សាលាដំបូង ខេត្តកណ្តាល ពីបទជួញដូរដោយខុសច្បាប់នូវសារធាតុញៀននៅចំណុច: ភូមិកំពង់ស្វាយកណ្តាល ឃុំព្រែកថ្មី ស្រុកកោះធំ ខេត្តកណ្ដាល។
ជនជាប់ចោទ (ឃាត់ខ្លួន)ឈ្មោះ ញុឹប សុីដែន ភេទប្រុស អាយុ៣០ ឆ្នាំ ជនជាតិខ្មែរ មានទីលំនៅភូមិព្រែកតាដួង ឃុំព្រែកថ្មីស្រុកកោះធំ ខេត្តកណ្ដាល ។
១/យោងតាមដីកាបង្គាប់ឲ្យចាប់ខ្លួន លេខ៣៣៥/ដកបចខ/២១ របស់លោក ថោង ផល្លារង្សី ចៅក្រមស៊ើបសួរ នៃសាលាដំបូងខេត្តកណ្ដាល ចុះថ្ងៃទី១០ ខែមិថុនា ឆ្នាំ ២០២១ លុះនៅថ្ងៃទី១២ ខែមករាឆ្នាំ២០២២ វេលាម៉ោង១១និង០០នាទី សមត្ថកិច្ចជំនាញប្រឆាំងបទល្មើសគ្រឿងញៀនស្រុកកោះធំ បានចុះសហការគ្នាជាមួយនឹងប៉ុស្តិរដ្ឋបាលព្រែកថ្មី បានធ្វើការស្រាវជ្រាវរហូតឃាត់ខ្លួនបានជនជាប់ចោទឈ្មោះ ញុឹប សុីដែន នៅចំណុចភូមិកំពង់ស្វាយក្រោម ឃុំព្រែកថ្មី ស្រុកកោះធំ ខេត្តកណ្ដាល។
ហើយត្រូវបានសមត្ថកិច្ចយើងបានអានដីកាបង្គាប់អោយចាប់ខ្លួនរបស់ជនជាប់ចោទដែលជាប់ពាក់ពន្ធ័នឹងករណីខាងលើនេះដែលរូបគេបានប្រព្រឹត្តរយះកាលកន្លងមក។
បច្ចុប្បន្នជនជាប់ចោទខាងលើត្រូវបានឃាត់ខ្លួន នៅអធិការដ្ឋាននគរបាលស្រុកកោះធំ ដើម្បីបន្តចាត់តាមនិតីវិធី។
