ប្រតិបត្តិការបង្ក្រាបក្រុមល្បែងសុីសង “អាប៉ោង”នៅស្រុកសំរោងទងសមត្ថកិច្ចឃាត់ខ្លួន១៤នាក់ក្នុងរង្វង់ប្រតិបត្ដិការ
កំពង់ស្ពឺ ៖ ថ្ងៃទី២១ ខែធ្នូ ឆ្នាំ២០២១ វេលាម៉ោង ១២ : ២៥ នាទី កំលាំងអធិការដ្ឋាននគរបាលស្រុកសំរោងទង បានចុះបង្ក្រាបកន្លែងលេងល្បែងស៊ីសងមួយកន្លែង ស្ថិតនៅក្នុងព្រៃជាប់ជើងភ្នំខាងត្បូងភូមិម្កាក់ ឃុំធម្មតាអរ ស្រុកសំរោងទង ៖ ឃាត់មនុស្សចំនួន ១៤នាក់ ស្រី ៦នាក់ ក្នុងរង្វង់ប្រតិបត្ដិការដោយសមត្ថកិច្ចធ្វើការចាប់យកនិងដកហូតសម្ភារៈភស្ដុតាងរួមមាន៖
មេអាប៉ោង ៤ គ្រាប់
ចានបាញ់អាប៉ោង ១
ផ្តិល ១
កំរាលក្រាល ១
ម៉ូតូ ៤ គ្រឿង និងប្រាក់រៀលមួយចំនួន។
លោកវរសេនីយ៍ឯក ឃុត សុផល អធិការស្រុកសំរោងទង បានអោយដឹងថាករណីនេះសមត្ថកិច្ចបានឃ្លាំនិងស៊េីបរយៈពេលជាយូរមកហេីយ ប៉ុន្តែកិច្ចប្រតិបត្ដិការមិនអំណោយផល ទេីបតែថៃ្ងនេះកំលាំងនគរបាលបានឈានដល់ការក្របួចបានទាំងសំបុក ជាទូទៅអ្នកបេីកអនុញ្ញត្ដផ្ដល់ទីតាំងអោយមានការលេងល្បែងគឺតែងមានបណ្ដាញចាំឃ្លាំមេីល និងយកព័ត៌មានអំពីសមត្ថកិច្ចមូលដ្ឋាន ដោយបានការចង្អុលណែនាំពីរលោក ឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ វិធានការចំពោះមុខគឺ រត់មិនរួច។
បច្ចុប្បន្នសមត្ថកិច្ចនគរបាលបាននាំយកមកអធិការដ្ឋាននគបាលស្រុក ដេីម្បីសាកសួរបំពេញនីតិវិធីនិងកសាងសំណុំរឿងបញ្ជូនទៅការិយាល័យជំនាញចំណាត់ការតាមនិតិវីធី៕