ស្នងការដ្ឋាននគរបាលខេត្តបាត់ដំបង បន្តដឹកនាំក្រុមគ្រូពេទ្យ ចុះចាក់វ៉ាក់សាំងការពារជំងឺកូវីដ_១៩ ជូនប្រជាពលរដ្ឋ និងកុមារ ក្នុងស្រុកមោងឬស្សី និងស្រុកបវេល
ខេត្តបាត់ដំបង៖ ដោយទទួលបានការណែនាំពីឯកឧត្តម អភិបាលនៃគណៈអភិបាលខេត្តបាត់ដំបង ស្តីពីការចាក់វ៉ាក់សាំងការពារជំងឺកូវីដ_១៩ ជូនប្រជាពលរដ្ឋ និងកុមារចាប់ពីអាយុ៦ឆ្នាំ ដល់១១ឆ្នាំ នៅថ្ងៃចន្ទ ទី២០ ខែកញ្ញា ឆ្នាំ២០២១ នេះ លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង បានចាត់តាំងលោកឧត្តមសេនីយ៍ត្រី វេជ្ជបណ្ឌិត សឿម សារិទ្ធ ស្នងការរងផែនភស្តុភារ និងហិរញ្ញវត្ថុ និងទទួលការងារដឹកនាំមន្ទីរពេទ្យរបស់ស្នងការដ្ឋាននគរបាលខេត្តបាត់ដំបង បន្តដឹកនាំក្រុមគ្រូពេទ្យរបស់ស្នងការដ្ឋាននគរបាលខេត្តបាត់ដំបង ធ្វើការបែងចែកកម្លាំងគ្រូពេទ្យជាពីរក្រុម១ក្រុមនៅស្រុកមោងឫស្សី និង១ក្រុមទៀតនៅស្រុកបវេល ចុះចាក់វ៉ាក់សាំងការពារជំងឺកូវីដ_១៩ ជូនប្រជាពលរដ្ឋ និងកុមារ ចាប់ពីអាយុ៦ឆ្នាំ ដល់១១ឆ្នាំ នៅឃុំរបស់មង្គល ស្រុកមោងឫស្សី ខេត្តបាត់ដំបង បានចំនួន១.៥៦៤ នាក់,ស្រី៧៨០នាក់ និងឃុំខ្នាចរមាស ស្រុកបវេល ខេត្តបាត់ដំបង ចំនួន៩៥៨នាក់, ស្រី៤៨៤នាក់ សរុបបានចំនួន២.៥២២នាក់, ស្រី១.២៦៤នាក់ បូកយោងថ្ងៃអាទិត្យ ទី១៩ ខែកញ្ញា ឆ្នាំ២០២១ សរុបចំនួន៤.១៦១នាក់, ស្រី២.០៧៤នាក់ និងក្រុមការងារបានទទួលអំណោយពីក្រុមការងារ ស.ស. យ. ក ស្រុកបវេល មានអាល់កុល,ម៉ាស់, ទឹកសុទ្ធ និងភេជ្ជៈមួយចំនួនផងដែរ៕
