កម្លាំងប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តព្រះវិហារ បានបង្រ្កាបករណីរក្សាទុក ដឹកជញ្ជួន ឬជួញដូរ និងប្រើប្រាស់ដោយខុសច្បាប់នូវសារធាតុញៀន
ខេត្តព្រះវិហារ៖ថ្ងៃ សៅរ៍ ៥កើត ខែ ភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១១ ខែ កញ្ញា ឆ្នាំ ២០២១ តាមការបញ្ជាដោយផ្ទាល់ពីលោកឧត្តម សេនីយ៍ទោ សួស សុខដារ៉ា ស្នងការនគរបាលខត្ត និងមានការសម្របសម្រួលរបស់ ឯកឧត្តម ទី សុវិនថាល់ ព្រះរាជអាជ្ញាអមសាលាដំបូងខេត្តព្រះវិហារ កាលពីនៅថ្ងៃព្រហស្បត្តិ៍ ៣កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី ០៩ ខែកញ្ញា ឆ្នាំ២០២១ វេលាម៉ោង ១១ និង ៥៧ នាទីកម្លាំងជំនាញយើងបានធ្វើការបង្រ្កាបករណីរក្សាទុក ដឹកជញ្ជូន ឬជួញដូរ និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចភូមិដំណាក់ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។ សមត្ថកិច្ចយើងបានធ្វើការឃាត់ខ្លួនជនសង្ស័យចំនួន ០៣ នាក់ (ប្រុស) ដែលមានឈ្មោះដូចខាងក្រោម៖
១/ឈ្មោះ ធី រ៉ាម៉ៅ ភេទប្រុស អាយុ ២៩ ឆ្នាំ ជនជាតិខ្មែរ មុខរបរ មិនពិតប្រាកដ រស់នៅភូមិស្រះឈូក សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។
២/ឈ្មោះ ចៀន តារ៉ា ហៅ ដា ភេទប្រុស អាយុ ២៤ ឆ្នាំ ជនជាតិខ្មែរ មុខរបរ ជាងសិប្បកម្ម រស់នៅភូមិពោធិ៍ទាប ឃុំម្លូរព្រៃ ស្រុកឆែប ខេត្តព្រះវិហារ ។
៣/ឈ្មោះ ចាន់ សុវណ្ណ ភេទប្រុស អាយុ ១៨ ឆ្នាំ ជនជាតិខ្មែរ មុខរបរ ដឹកអុសលក់ រស់នៅភូមិបាក់កាំ ឃុំឈានមុខ ស្រុកត្បែងមានជ័យ ខេត្តព្រះវិហារ ។
វត្ថុតាង និងសម្ភារចាប់យករួមមាន ÷
-ក្រាមពណ៌សថ្លា សង្ស័យជាសារធាតុញៀន ចំនួន ០៥ កញ្ចប់ ។
-ទូរសព្ទ ០២ គ្រឿង ។
-សម្ភារប្រើប្រាស់គ្រឿងញៀនមួយចំនួន ។
យោងតាមចម្លើយសារភាពរបស់ឈ្មោះ ធី រ៉ាម៉ៅ សមត្ថកិច្ចជំនាញយើងបន្តឃាត់ខ្លួនបានជនសង្ស័យ ចំនួន ០១ នាក់ទៀត នៅចំណុចផ្ទះរបស់ឈ្មោះ ទាវ គឹមហួ ស្ថិតក្នុងភូមិកំពង់ចម្លង សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ម៉ោង ១៧ និង ០៥ នាទី ដែលមានឈ្មោះ ៖
១/ឈ្មោះ ឡុង អៀងហេង ភេទប្រុស អាយុ ២៨ ឆ្នាំ មុខរបរ លក់ដូរ រស់នៅភូមិកំពង់ចម្លង សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។
វត្ថុតាង និងសម្ភារចាប់យករួមមាន ÷
-ក្រាមពណ៌សថ្លា សង្ស័យជាសារធាតុញៀន ចំនួន ០១ កញ្ចប់ ។
-ទូរសព្ទ ០១ គ្រឿង ។
-សម្ភារវេចខ្ចប់ និងប្រើប្រាស់គ្រឿងញៀនមួយចំនួន ។
បច្ចុប្បន្នវត្ថុតាង និងជនល្មើសទាំង ០៤នាក់ ត្រូវបានកម្លាំងជំនាញយើងកសាងសំណុំរឿងបញ្ជួនទៅអយ្យការអមសាលាដំបូងខេត្តចាត់ការបន្តតាមនីតិវិធីច្បាប់។
