លោកឧត្តមសេនីយ៍ត្រី សៅ សាវ៉ាត់ បានដឹកនាំក្រុមការ ងារយកគ្រឿងឧបភោគបរិភោគ នឹងបច្ច័យជូនក្រុមគ្រួសារសពមន្ត្រីនគរបាលដែលទទួលមរណភាព
មណ្ឌលគិរី÷ នៅព្រឹកថ្ងៃសៅរ៍០៥រោច ខែស្រាពណ៍ឆ្នាំ ឆ្លូវ ត្រីស័ក ព.ស ២៥៦៥ ត្រូវនិងថ្ងៃទី ២៨ ខែសីហា ឆ្នាំ២០២១ លោកឧត្តមសេនីយ៍ត្រី សៅ សាវ៉ាត ស្នងការរងទទួលការងារផែនធនធានមនុស្ស លោកឧត្តមសេនីយ៍ត្រី ប៉ែន ផល្លី ស្នងការរងទទួលដឹកនាំការងារផ្សព្វផ្សាយអប់រំនៃស្នងការដ្ឋាននគរបាលខេត្តនឹងជាតំណាងដ៍ខ្ពង់ខ្ពស់របស់លោកឧត្តមសេនីយ៍ទោ ឡោ សុខាស្នងការនគរបាលខេត្តបានដឹកនាំក្រុមការងារយកគ្រឿងឧបភោគ បរិភោគ និងបច្ច័យ ឧបត្ថម្ភដល់គ្រួសារសពលោកវរ:សេនីយ៍ទោ ខៃ វណ្ណះ ភេទប្រុសអាយុ ៤៩ ឆ្នាំជនជាតិ ខ្មែរទីកន្លែងកំណើតភូមិ កំពង់រោទ៍ឃុំញរ ស្រុកកំពង់រោទ៍ ខេត្តស្វាយរៀង។
បំរើការងារជានគរបាលឋាន: ជាអធិការរងនៃអធិការដ្ឋាននគរបាលស្រុកអូររាំង នៃស្នងការដ្ឋាននគរបាលខេត្តមណ្ឌលគិរី នៅក្នុងឱកាសនោះដែរលោកសៅ សាវ៉ាត ស្នងការរងក៏បានថ្លែងនៅការកោតសរសើរដល់សពពេលនៅរស់លោកបានគោរពវិន័យរបស់កងកំលាំងនគរបាលជាតិល្អប្រសើរ នឹងចេះជួយទុក្ខធុរះគ្នាក្នុងគ្រាលំបាក។
ក្នុងនោះដែរលោកបាននាំយកនូវគ្រឿងឧបភោគបរិភោគនឹងបច្ច័យរបស់លោកស្នងការនគរបាលខេត្តដើម្បីចូលរួមបុណ្យនឹងរំលែកទុក្ខដល់ក្រុមគ្រួសារសពក្នុងនោះរួមមានអង្ករចំនួន ១០០គីឡូក្រាម ទឹកសុទ្ធចំនួន១០កេសទឹកក្រូច០៥កេស មីម៉ាៗចំនួន០៥កេសម៉ាស៥ប្រអប់
អាកុល៥លីត្រនិងថវិកា របស់លោកស្នងការចំនួន១.០០០.០០០៛ (មួយលានរៀលគត់)ក្នុងនោះដែរលោកវរសេនីយ៍ឯក វ៉ាន់ ដានីនអធិការនគរបាលស្រុកអូររាំង នឹងកងកម្លាំងទាំងអស់បានឧបត្ថមនូវ អង្គរ ១០០គីឡូ មី ៤កេស
ទឹកផ្លែឈើ ២កេស ម៉ាស់ ១០ប្រអប់ អាកុល ១០លីត្រ
ទឹកបរិសុទ្ធ ៦កេស ទឹកត្រី ២យួរ ទឹកសុីអុីវ ២យួរ
ធូប ទៀន និងតែនិងថវិកាដែលកងកម្លាំងបានចូលជាបច្ច័យនៅក្នុងអធិការដ្ឋាននគរបាលស្រុកអូររាំងនឹងសប្បរសជននានាចំនួន២.៧៨០០០០៛(ពីរលានចិត្តសិបប្រាំបីម៉ឺនរៀល) ជូនដល់ក្រុមគ្រួសារសពដើម្បីយកទៅចាត់ចែងធ្វើបុណ្យតាមប្រពៃណី។