ករណីរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន ដែលស្ថិតនៅចំណុចភូមិទឹកក្រហម ឃុំទឹកក្រហម ស្រុកជាំក្សាន្ត ខេត្តព្រះវិហារ
ព្រះវិហារ៖ថ្ងៃ ចន្ទ ១៥កើត ខែ ស្រាពណ៌ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៣ ខែ សីហា ឆ្នាំ ២០២១ តាមការបញ្ជារដឹកនាំរបស់លោកឧត្តមសេនីយ៍ទោ ស្នងការនគរបាលខេត្ត កាលពីថ្ងៃទី ២២ ខែសីហាឆ្នាំ២០២១ វេលាម៉ោង ០៧ និង ២០ នាទី កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកជាំក្សាន្ត បានធ្វើការបង្រ្កាបករណីរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន ដែលស្ថិតនៅចំណុចភូមិទឹកក្រហម ឃុំទឹកក្រហម ស្រុកជាំក្សាន្ត ខេត្តព្រះវិហារ ។
សមត្ថកិច្ចយើងឃាត់ខ្លួនជនសង្ស័យចំនួន ០២នាក់មានឈ្មោះដូចខាងក្រោម៖
១/ឈ្មោះ សាន សិទ្ធ ភេទប្រុស អាយុ ២២ ឆ្នាំ មុខរបរ កសិករ ។
២/ឈ្មោះ សួន ជា ភេទប្រុស អាយុ ៣២ឆ្នាំ មុខរបរ កសិករ
វត្ថុតាងចាប់យករួមមាន៖
១.ម្សៅក្រាមពណ៌សថ្លា សង្ស័យជាសារធាតុញៀន ចំនួន ០១ កញ្ចប់តូច ។
២.ទូរសព្ទ ចំនួន ០១ គ្រឿង ។
៣.សម្ភារប្រើប្រាស់គ្រឿងញៀនមួយចំនួន ។
បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញយើងកសាងសំណុំរឿងបញ្ជួនទៅអយ្យការអមសាលាដំបូងខេត្តចាត់ការបន្តតាមនីតិវធីច្បាប់។
