ករណីធ្វើអោយខូចខាតដោយចេតនាមានស្ថានទម្ងន់ទោស(ដុតផ្ទះ) ស្រុកកណ្ដាលស្ទឹង ខេត្តកណ្ដាល
ខេត្តកណ្ដាល៖នៅព្រឹកថ្ងៃសៅរ៍ ១៣កើត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២១ ខែសីហា ឆ្នាំ២០២១ វេលាម៉ោង១២:១៥នាទីមានករណីធ្វើអោយខូចខាតដោយចេតនាមានស្ថានទម្ងន់ទោស(ដុតផ្ទះ)
ចំណុចកើតហេតុភូមិ តាដោលទី១ ឃុំ អំពៅព្រៃ ស្រុកកណ្ដាលស្ទឹង ខេត្តកណ្ដាល ។
ជនរងគ្រោះឈ្មោះ យុន ផាត ភេទ ស្រី អាយុ ៦៨ ឆ្នាំមានទីលំនៅភូមិ តាដោលទី១ ឃុំ អំពៅព្រៃ ស្រុក កណ្តាលស្ទឹង ខេត្តកណ្ដាល។ មុខរបរ កសិករ (ត្រូវជាម្តាយ)។
ជនសង្ស័យឈ្មោះ សេន ម៉ៅ ភេទប្រុស អាយុ ៣២ឆ្នាំ មានទីលំនៅ ភូមិ តាដោលទី១ ឃុំ អំពៅព្រៃ ស្រុក កណ្ដាលស្ទឹង ខេត្ត កណ្ដាល មុខរបរ មិនពិតប្រាកដ(ឃាត់ខ្លួន)។
សំភារៈខូចខាតរួមមាន៖
1-ផ្ទះមួយខ្នង ទំហំ ៦x៨ម៉ែត្រ ប្រក់ក្បឿង ធ្វើពីឈើ ថ្មក្រោម សំយ៉ាបស័ង្កសីខាងមុខប្រវែង៧.០៥ម៉ែត្រ សំយ៉ាបស័ង្កសីចំហៀងប្រវែង ២៥ម៉ែត្រ(ខូចខាតទាំងស្រុង)
2-ទូទឹកកក់ ១គ្រឿង
3-ម៉ាស៉ិនបោកខោអាវ ១គ្រឿង
4-ម៉ាស៉ីនខ្យល់ ១គ្រឿង និងមុង កន្ទាល ភួយ ខោអាវ មួយចំនួន។
នៅថ្ងៃទី ២០ ខែសីហាឆ្នាំ ២០២១ មុនពេលកើតហេតុជនសង្ស័យខាងលើ បានសុំលុយពីម្ដាយបង្កើតរបស់ខ្លួន ដើម្បីយកលុយទៅសងបំណុលគេ ប៉ុន្តែម្ដាយមិនឲ្យ រួចជនសង្ស័យខាងលើបានខឹងម្ដាយក៏គំរាមថា៖ “និងដុតផ្ទះចោល “លុះដល់ថ្ងៃទី២១ ខែសីហាឆ្នាំ ២០២១ វេលាម៉ោងកេីតហេតុ ជនសង្ស័យឈ្មោះសេន ម៉ៅ ឃេីញម្តាយមិននៅផ្ទះ (ទៅធ្វើស្រែចំការ)បានឡេីងទៅលេីផ្ទះប្រមូលខោអាវ ក្រណាត់ មុងភួយ ពូក ដាក់គនៅមាត់ទ្វា រួចដាក់គន្លឹះទ្វាខាងក្នុងជាប់ ហេីយបានធ្វើសកម្មភាពដុតផ្ទះរបស់ខ្លួន បណ្ដាលឱ្យឆេះខូចខាតទាំងស្រុង ក្រោយពីធ្វើសកម្មភាពដុតផ្ទះរួច ជនសង្ស័យបានរត់គេចខ្លួនបាត់។ លុះដល់ព្រឹកថ្ងៃទី២២ ខែសីហា ឆ្នាំ២០២១ វេលាម៉ោង ០៧:៣០នាទីកម្លាំងប៉ុស្តិ៍នគរបាលរដ្ឋបាលឃុំអំពៅព្រៃ បានចាប់ខ្លួនជនសង្ស័យបញ្ជូនមកកាន់អធិការដ្ឋាននគរបាលស្រុកកណ្តាលស្ទឹងដេីម្បីកសាងសំនុំរឿងតាមនីតិវិធី។
