កម្លាំងនគរបាលខេត្តកំពង់ឆ្នាំង ចុះត្រួតពិនិត្យអាវុធគ្រឿងផ្ទុះពេលយប់ ចំនួន០៧គោលដៅ ស្រុករលាប្អៀរ ស្រុកបរិបូណ៌ និងស្រុកសាមគ្គីមានជ័យ
ខេត្តកំពង់ឆ្នាំង៖ នៅយប់ថ្ងៃចន្ទ ៨កើត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៦ ខែសីហា ឆ្នាំ២០២១ ការិយាល័យជំនាញ គ្រប់គ្រងអាវុធគ្រឿងផ្ទុះនិងជាតិពុល នៃស្នងការដ្ឋាននគរបាលខេត្តកំពង់ឆ្នាំង សហការជាមួយអធិការដ្ឋននគរបាលតាមបណ្តាក្រុងស្រុក និង ក្រុមចម្រុះខេត្ត បានចុះត្រួតពិនិត្យអាវុធគ្រឿងផ្ទុះពេលយប់ តាមគោលដៅសំខាន់ៗក្នុងភូមិសាស្រ្ត ខេត្តកំពង់ឆ្នាំង ដើម្បីទប់ស្កាត់បទល្មើសគ្រប់ប្រភេទ នឹងការពារសន្តិសុខ សុវត្ថិភាពជូនប្រជាពលរដ្ឋអោយបានល្អប្រសើរ។
អនុវត្តបានចំនួន០៧គោលដៅ លើ០៣ក្រុងស្រុកគឺ ស្រុករលាប្អៀរ ចំនួន០២គោលដៅ ស្រុកបរិបូណ៌ ចំនួន០២គោលដៅ ស្រុកសាមគ្គីមានជ័យ ចំនួន០៣គោលដៅ ។
ជាលទ្ធផលត្រួតពិនិត្យ រថយន្តបានចំនួន២០ គ្រឿង ម៉ូតូបានចំនួន៩៤គ្រឿង គោយន្តបានចំនួន២០គ្រឿង ម៉ូតូកង់បីបានចំនួន០១គ្រឿងកង់បានចំនួន០៣គ្រឿង និងបានអប់រំអ្នកធ្វើដំណើរកុំឲ្យបើកបរក្នុងស្ថានភាពស្រវឹង(មានជាតិអាកុល) ត្រូវពាក់មួកសុវត្ថិភាព មានកញ្ចក់មើលក្រោយ ពាក់ខ្សែក្រវ៉ាត់ ត្រូវមានផ្លាកលេខ កំុអោយប្រើប្រាស់សុីម៉ាំងកែច្ឆៃ ផ្ទុកលើសទម្ងន់ ប្រើប្រាស់រថយន្តខុសលក្ខណៈបច្ចេកទេស(តទ្រុង) អប់រំក្មេងៗដើរលេងពេលយប់ មួយចំនួនទៀត ៕
