សូមជូនសេចក្តីបំភ្លឺមហាជន និងសាធារណៈជន ពាក់ព័ន្ធការចុះផ្សាយរបស់ គណនី ហ្វេសប៊ុក Meas sora និង សារព័ត៌មាន CHR TV online ដែលបានធ្វេីការផ្សព្វផ្សាយថា ទីតាំងល្បែងស៊ីសងមួយកន្លែង កំពុងតែប្រមូលផ្ដុំគ្នាលេងយ៉ាងរំភេីយ បែរជាសមត្ថកិច្ចមូលដ្ឋានមេីលមិនឃេីញ
កំពង់ស្ពឺ ៖ ក្រោយការបង្ហោះព័ត៌មានពីសំណាក់ម្ចាស់គណនីហ្វេសប៊ុក Meas sora និង សារព័ត៌មាន CHR TV online ក្រុមការងាររបស់អធិការដ្ឋាននគរបាលស្រុកគងពិសីបានចុះស្រាវជ្រាវនិងស៊េីបអង្កេតជុំវិញទីតាំងខាងលេី ដេីម្បីឈានទៅធ្វើការបង្រ្កាប ជាលទ្ធផល ៖ ទីតាំងខាងលេីគឺមិនមានករណីលេងល្បែងសុីសងដូចការចុះផ្សាយរបស់សារព័ត៌មាន CHR TV online និងគណនី ហ្វេសប៊ុក Meas sora នោះទេ ទីតាំងខាងលេីគឺមានតារាងបាល់ទះមួយនិងធ្លាប់មានការលេងភ្នាល់ដាក់លុយប្រាកដមែន ភាគច្រើនអ្នកមកលេងជាក្រុមមកពីខាងរាជធានីភ្នំពេញនិងខេត្ដផ្សេងដែលពួកគេបានណាត់គ្នាមកលេង ក្រោយទទួលបានព័ត៌មានពីការភ្នាល់លេងបាល់ទះដាក់ប្រាក់ សមត្ថកិច្ចនគរបាលប៉ុស្តិ៍រដ្ឋបាលព្រះនិពាន្វ និងក្រុមប្រឹក្សាឃុំព្រះនិពាន្វ បានចុះទៅធ្វេីការណែនាំឱ្យម្ចាស់ទីតាំងខាងលេីបញ្ឍប់ជាបន្ទាន់ហេីយមិនត្រូវបន្ដអនុញ្ញាតិឱ្យមានការខប្រកបរបបកីឡាមកធ្វេីជាការភ្នាល់គ្នាដាក់ប្រាក់នោះទេ សមត្ថកិច្ច អាជ្ញាធរ គាំទ្រ ការបេីកឱ្យមានតារាងបាល់ទះលេងដេីម្បីបង្កេីនវិស័យកីឡាព្រោះកីឡានាំមកនូវសុខភាព ប៉ុន្តែមិនត្រូវយកមុខរបរនេះធ្វេីជាអាជីវកម្ម រកសុីល្បែងដែលនាំអោយមានការប្រព្រឹត្ដផ្ទុយពីផ្លូវច្បាប់រដ្ឋនោះទេ ហេីយសមត្ថកិច្ចបានឱ្យម្ចាស់ផ្ទះខាងលេីធ្វើកិច្ចសន្យាកាលពីថ្ងៃទី១៣ ខែមេសា ឆ្នាំ២០២១។ ជាក់ស្ដែងថៃ្ងទី២៥ ខែកក្តដា ឆ្នាំ២០២១ នេះផងដែរ ក្រុមការងារ អធិការដ្ឋាននគរបាលស្រុកគងពិសី ដឹកនាំដោយលោកវរសេនីយ៍ត្រី ក្រឹម សុផាត អធិការរងស្រុក បានចុះពិនិត្យទីតាំងខាងលេីនិងបានធ្វេីការណែនាំជាថ្មីម្ដងទៀតចំពោះម្ចាស់ទីតាំងថាបេីក្នុងករណីលួចលាក់ឱ្យមានការលេងល្បែងសុីសងគ្រប់ប្រភេទ (ភ្នាល់បាល់ ឬបេីកលេងល្បែង online ) គឺត្រូវតែទទួលខុសត្រូវទាំងស្រុងចំពោះមុខច្បាប់ដោយមិនលេីកលែង។
លេីសពីនោះសមត្ថកិច្ចបានណែនាំបន្ថែមអំពីការ អនុវត្តវិធានការសុខាភិបាល ក្នុងការទប់ស្កាត់ជំងឺកូវីដ-១៩ និងការអនុវត្ដតាមការណែនាំរបស់រដ្ឋបាលខេត្តកំពង់ស្ពឺ ការមិនអនុញ្ញាតិឱ្យមានការប្រមូលផ្ដុំជួបជុំមនុស្សច្រេីននិងអាចមានការចម្លងជំងឺកូវីដ-១៩ ទៅក្នុងសហគមន៍ សូមចូលរួមទប់ស្កាត់ និងអនុវត្ដនូវវិធានការ ៣ ការពារ និង ៣ កុំ ។
អាស្រ័យហេតុនេះ សូមសាធារណៈជន មហាជនដែលប្រេីប្រាស់បណ្ដាញទំនាក់ទំនងសង្គមជ្រាប៕
