លោកឧត្តមសេនីយ៍ទោ ទិត្យ ណារ៉ុង អញ្ជេីញជួបសំណេះសំណាល និងទទួលអំណោយឧបត្ថម្ភរបស់ក្រុមហ៊ុន ស្រីអូនសម្រស់ធម្មជាតិ
សៀមរាប ៖ នាព្រឹកថ្ងៃទី ២២ ខែមិថុនា ឆ្នាំ២០២១ វេលាម៉ោង ០៨ និង៣០នាទី លោកឧត្តមសេនីយ៍ទោ ទិត្យ ណារ៉ុង បានអញ្ជេីញជួបសំណេះសំណាល និងទទួលអំណោយឧបត្ថម្ភ ថ្នាំបង្ការ និងសម្លាប់មេរោគ Acta Bio
របស់ក្រុមហ៊ុន ស្រីអូនសម្រស់ធម្មជាតិ ចំនួន ១១០ ប៊ីដុង ស្មេីនឹងចំនួន ៥៥០លីត្រ ។
លោកឧត្តមសេនីយ៍ទោ ស្នងការបានបញ្ជាក់ថា : សម្រាប់ជំហាន ១ នេះថ្នាំបង្ការ និងសម្លាប់មេរោគ នឹងប្រគល់ជូនខាងការិយាល័យសុខាភិបាល ដេីម្បីយកទៅចុះបាញ់សម្លាប់មេរោគនៅបណ្តាអធិការដ្ឋានក្រុង/ស្រុកចំនួន ០៥ ដែលប្រឈមខ្លាំងរួមមាន : អធិការដ្ឋានក្រុងចំនួន ០១ និងស្រុកចំនួន ០៤ ( ក្រុងសៀមរាប ស្រុកពួក ស្រុកសូទ្រនិគម ស្រុកជីក្រែង និងស្រុកប្រាសាទបាគង ) ស្មេីនឹង ៥២ទីតាំង ។
លោកស្នងការបានបន្តទៀតថា : ខាងក្រុមហ៊ុនរីករាយសហការ និងបានសន្យាជួយឧបត្ថម្ភបន្តទៅទៀតនាពេលអនាគត បើសិនជាមានការសំណូមពររបស់ស្នងការដ្ឋាននគរបាលខេត្តសៀមរាប។
ជាចុងក្រោយ លោកឧត្តមសេនីយ៍ទោ ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាបបានគោរពថ្លែងអំណរគុណយ៉ាងជ្រាលជ្រៅចំពោះក្រុមហ៊ុន ស្រីអូនសម្រស់ធម្មជាតិ សម្រាប់ទឹកចិត្តដ៏ល្អប្រពៃចំពោះកងកម្លាំងក្នុងគ្រាលំបាកនេះ ក្នុងការប្រយុទ្ធប្រឆាំងនឹងជំងឺឆ្លងកូវីដ ១៩ និងគោរពជូនពរចំពោះម្ចាស់ក្រុមហ៊ុន ព្រមទាំងសហការីទាំងអស់ អោយជួបប្រទះតែនឹងពុទ្ធិពរទាំងបួនប្រការគឺ អាយុ វណ្ណៈ សុខ: ពល: កុំបីឃ្លៀងឃ្លាតឡើយ ៕