ឃាត់ខ្លួនបុរស២នាក់ ពីបទប្រេីប្រាស់ និងជួញដូរគ្រឿងញៀន
ខេត្តបាត់ដំបង៖ ដោយអនុវត្តតាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង និងយោបល់របស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន កាលពីថ្ងៃព្រហស្បតិ៍ ទី០៣ ខែមិថុនាឆ្នាំ២០២១ វេលាម៉ោង២០និង១០នាទី លោកវរសេនីយ៍ឯក សុខ សារិន អធិការនគរបាលស្រុកបវេល បានដឹកនាំកម្លាំង នៃអធិការដ្ឋាននគរបាលស្រុកបវេល ចុះអនុវត្តដីការបង្គាប់ឲ្យចាប់ខ្លួន និងឃុំខ្លួន លេខ២៦៥ ត.ព្រ ចុះថ្ងៃទី០២ ខែមេសា ឆ្នាំ២០២០ របស់លោក ជា វណ្ណៈ ចៅក្រមជំនុំជម្រះនៃសាលាដំបូងខេត្តបាត់ដំបង សមត្ថកិច្ចយើងបានឃាត់ខ្លួនជនសង្ស័យម្នាក់ នៅចំណុចភូមិដូនអោក ឃុំល្វា ស្រុកបវេល ខេត្តបាត់ដំបង ឈ្មោះ ផ្លែ វាសនា ហៅ(ពិត) ភេទប្រុស អាយុ ២៤ឆ្នាំ រស់នៅភូមិពោធិ៍ ឃុំព្រៃខ្ពស់ ស្រុកបវេល ខេត្តបាត់ដំបង ពីបទជួញដូរដោយខុសច្បាប់នូវសារធាតុញៀនប្រព្រឹត្តនៅចំណុចបន្ទប់ជួលភូមិ បវេល១ ឃុំបវេល ស្រុកបវេល ខេត្តបាត់ដំបង កាលពីថ្ងៃទី១៦ ខែសីហា ឆ្នាំ២០១៩។
ក្នុងពេលជាមួយគ្នានោះដែរសមត្ថកិច្ចបានឃាត់ខ្លួនជនសង្ស័យចំនួនម្នាក់ផ្សេងទៀត ដែលមានឈ្មោះ កឿន ចាន់ថេត ភេទប្រុស អាយុ៣១ឆ្នាំ នៅភូមិបល្ល័ង្គលើ ឃុំខ្នាចរមាស ស្រុកបវេល ខេត្តបាត់ដំបង ក្នុងនោះសមត្ថកិច្ចចាប់យកវត្ថុតាងបានរួមមានម្សៅក្រាមពណ៌សថ្លាច្រកក្នុងថង់ប្លាស្ទិចថ្លាចំនួន ១ថង់តូច សង្ស័យមានសារធាតុញៀន ប្រភេទមេតំហ្វេតាមីន (ម៉ាទឹកកក ICE) និងទូរស័ព្ទដៃចំនួន ១គ្រឿង។
ករណីទាំង២នេះ នគរបាលស្រុកបានកសាងសំណុំរឿងបញ្ចូនមកការិយាល័យជំនាញ នៃស្នងការដ្ឋាននគរបាលខេត្តបាត់ដំបង ដេីម្បីចាត់ការបន្តតាមច្បាប់។
