ឃាត់ខ្លួនជនសង្ស័យ ចំនួន២នាក់ ករណីរក្សាទុក និងជួញដូរគ្រឿងញៀនខុសច្បាប់
ខេត្តបាត់ដំបង៖ កាលពីថ្ងៃសុក្រ ទី២១ ខែឧសភា ឆ្នាំ២០២១ វេលាម៉ោង២៣ និង១៥នាទី តាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង ក្រោមការបញ្ជាផ្ទាល់របស់លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានដឹកនាំកម្លាំងអធិការរដ្ឋាននគរបាលក្រុងបាត់ដំបង ចុះប្រតិបត្តិការបង្ក្រាបករណីរក្សាទុក ជួញដូរ ចែកចាយគ្រឿងញៀនខុសច្បាប់ ១លេីក នៅចំណុចភូមិអញ្ចាញ សង្កាត់អូរចារ ក្រុងបាត់ដំបង ឃាត់ខ្លួនជនសង្ស័យ ២នាក់
១.ឈ្មោះ សៀម ឆៃយ៉ា (ហៅរ័ត្ន) ភេទប្រុស អាយុ ៣៣ឆ្នាំ មានទីលំនៅភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង
២.ឈ្មោះ លី ឈុនអុី ភេទប្រុស អាយុ ២៧ឆ្នាំ មានទីលំនៅភូមិជ្រៃកោង ឃុំស្លាកែត ក្រុងបាត់ដំបង ខេត្តបាត់ដំបង។
សមត្ថកិច្ចបានធ្វេីការដកហូតវត្ថុតាងរួមមាន ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ៦ថង់ ទម្ងន់១.៥៩ក្រាម, ទូរស័ព្ទដៃ ២គ្រឿង និងម៉ូតូ១គ្រឿង ម៉ាកហុងដា Zoomer X សេ១២៥ សេរីឆ្នាំ២០២០ លេខតួនិងម៉ាសុីនL 5112474 ពាក់ស្លាក់លេខ បាត់ដំបង 1AM-0793។
ករណីនេះកម្លាំងសមត្ថកិច្ចបានបញ្ជូនជនសង្ស័យព្រមទាំងវត្ថុតាងមកកាន់ការិយាល័យជំនាញនៃស្នងការដ្ឋាននគរបាលខេត្ត ដេីម្បីអនុវត្តបន្តតាមផ្លូវច្បាប់៕