ករណីអំពើលួចនៅចំណុចភូមិអង្គស្នួលទី២ ឃុំពើក ស្រុកអង្គស្នួល ខេត្តកណ្តាល
ខេត្តកណ្តាល៖ថ្ងៃសុក្រ ១០កើត ខែជេស្ឋ ខែឆ្លូវ ព.ស២៥៦៥ ត្រូវនិងថ្ងៃទី២១ ខែឧសភា ឆ្នាំ២០២១មានករណីអំពើលួចនៅចំណុចភូមិអង្គស្នួលទី២ ឃុំពើក ស្រុកអង្គស្នួល ខេត្តកណ្តាល ។
ជនរងគ្រោះឈ្មោះ លឹម ស៊ីវម៉ី ភេទស្រី អាយុ២៥ឆ្នាំ ជនជាតិខ្មែរមុខរបរអាជីវកររ នៅភូមិអង្គស្នួលទី២ ឃុំពើក ស្រុកអង្គស្នួលខេត្តកណ្តាល ។
ជនសង្ស័យឈ្មោះ ជា សុងហេង ភេទប្រុស អាយុ២៨ឆ្នាំ ជនជាតិខ្មែរមុខរបរមិនពិតប្រាកដ នៅភូមិអង្គស្នួលទី២ ឃុំពើកស្រុកអង្គស្នួល ខេត្តកណ្តាល (ឃាត់ខ្លួន)។
វត្ថុតាងចាប់យករួមមាន៖ ប៊ិចចំនួន០១កំប៉ុងចំនួន១៨ដើម និងសំលៀកបំពាក់ទើបទិញតាមអន់ឡាញ ចំនួន០៣កំផ្លេ (ជារបស់ជនរងគ្រោះ យកបានមកវិញ)។
នៅថ្ងៃកេីតហេតុ ជនរងគ្រោះបានបិតតូបវេលុយវីង និងបិតទ្វាផ្ទះ ហើយក៏ចេញទៅគេងសម្រាក់នៅរោងចិញ្ចឹមសត្វមាន់ នៅស្រុកឧដុង្គ ខេត្តកំពង់ស្ពឺ។ លុះព្រឹកឡើងថ្ងៃទី២១ខែឆ្នាំដដែល វេលាម៉ោង០៦នឹង៣០នាទីព្រឹក ពេលជនរងគ្រោះត្រឡប់មកដល់ផ្ទះវិញហើយបើកតូបវេលុយវីងស្រាបតែឃើញមានសភាពរាយប៉ាយ និងបាត់ប៊ិចមួយកំប៉ុង នឹងសំលៀកបំពាក់មួយកំផ្លេ ទើបជនរងគ្រោះបានឆែកកាមេរ៉ាសុវត្ថិភាពមើល ក៏ឃើញជនសង្ស័យបានធ្វើសកម្មភាពលួចយកសម្ភារៈរបស់ជនរងគ្រោះដូចខាងលើ។ បន្ទាប់មកជនរងគ្រោះក៏បានយករូបតាមប្រព័ន្ធកាមេរ៉ាសុវត្ថិភាពហើយបង្ហោះតាមប្រព័ន្ធសង្គមFacebook ដោយមានខ្លឹមសារថា នេះជាសកម្មភាពចោរលួចគាស់តូបវេលុយវីង ។
ក្រោយពីសមត្ថកិច្ចឃើញជនរងគ្រោះបង្ហោះរូប និងសរសេរខ្លឹមសារដូចខាងលើនោះ ក៏បានចុះទៅដល់កន្លែងកើតហេតុដើម្បីសួរនាំនិងទទួលពាក្យបណ្ដឹង និងស្វែងរកឃាត់ខ្លួនជនសង្ស័យនិងវត្ថុតាងបាននៅចំណុចភូមិ ឃុំ កើតហេតុ ។
តាមចម្លើយរបស់ជនសង្ស័យ បានសារភាពថាខ្លួនពិតជាបានលួចរបស់ជនរងគ្រោះមែន គឺដើម្បីយកទៅដូរថ្នាំញៀនជក់ ហើយបានឆ្លើយទៀតថាខ្លួនចេះប្រើប្រាស់ថ្នាំញៀនរយៈពេល០៥ឆ្នាំ ហើយខ្លួនធ្លាប់ជាប់នៅមណ្ឌលអប់រំកែប្រែឪកាស់ខ្ញុំចំនួន០១លើករយៈពេល០១ឆ្នាំ០៦ខែ និងជាប់នៅមណ្ឌលអប់រំកែប្រែ DTA ចំនួន០១លើក រយៈពេល០១ឆ្នាំ ។
ចំពោះករណីនេះកម្លាំងផ្នែកជំនាញកំពុងកសាងសំណុំរឿង បញ្ជូនទៅតុលាការតាមនីតិវិធី
