ឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ គោរពជូនពរ ឯកឧត្តម យឹម សុខុម ប្រធានក្រុមប្រឹក្សាខេត្ដកំពង់ស្ពឺ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ
កំពង់ស្ពឺ ៖ ក្នុងឱកាសដ៏នក្ខត្តឫក្ស នៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំឆ្លូវ ត្រីស័ក ពុទ្ធសករាជ ២៥៦៥ ដែលនឹងប្រារព្ធឡើងនៅថ្ងៃទី១៤ ខែមេសា ឆ្នាំ២០២១ ខ្ញុំបាទឧត្ដមសេនីយ៍ទោ សម សាមួន សូមសម្តែងនូវសេចក្តីសោមនស្សរីករាយគោរពជូនចំពោះឯកឧត្តម សូមបានប្រកបដោយកាយពលមាំមួន សុខភាពពេញលេញល្អបរិបូរណ៍ បញ្ញាញាណឈ្លាសវៃ អាយុយឺនយូរ ជៀសផុតពីរោគាទាំងពួង ដើម្បីបន្តចូលរួមដឹកនាំខេត្ដកំពង់ស្ពឺ ឲ្យកាន់តែរីកចម្រើន ប្រកបដោយសុខសន្តិភាពជានិច្ចនិរន្តរ៍។
ឆ្លៀតក្នុងឱកាសដ៏ឱឡារិកនេះ តាងនាមស្នងការនគរបាលខេត្ដកំពង់ស្ពឺ សូមសម្តែងនូវមនោសញ្ចេតនាអំណរសាទរដ៏ស្មោះអស់ពីដួងចិត្តជូនចំពោះ ឯកឧត្តម ដែលបានលះបង់អស់ពីកម្លាំងកាយចិត្ត ចំពោះបុព្វហេតុបម្រើជាតិមាតុភូមិដ៏ថ្លៃថ្លានេះ ក្នុងតម្លៃដ៏មហស្ចារ្យនេះ កងកម្លាំងនគរបាលដែលជាអ្នកប្រតិបត្ដិការ ប្ដេជ្ញាការពារពុះពារដេីម្បីភាពសុខសាន្ដ ឈានទៅរកសុខសន្តិភាព ស្ថិរភាពសម្បូរសប្បាយប្រកបដោយចីរភាពតរៀងទៅ។
ជាថ្មីនៃឱកាសដ៏មហាប្រសើរនេះ កងកម្លាំងនគរបាលទូទាំងខេត្ត សូមលើកហត្ថបួងសួងដល់ទេវតាឆ្នាំថ្មីព្រះនាម មណ្ឌាទេវី សូមទ្រង់តាមជួយបីបាច់ថែរក្សា ឯកឧត្តម និងក្រុមគ្រួសារ ចៅប្រុស ស្រីជាទីស្រលាញ់ សូមបានប្រកបដោយពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
