ឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ គោរពជូនពរ សម្ដេចក្រឡាហោម សខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ
កំពង់ស្ពឺ ៖ ក្នុងឱកាសដ៏នក្ខត្តឫក្ស នៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំឆ្លូវ ត្រីស័ក ពុទ្ធសករាជ ២៥៦៥ ដែលនឹងប្រារព្ធឡើងនៅថ្ងៃទី១៤ ខែមេសា ឆ្នាំ២០២១
ខ្ញុំបាទឧត្ដមសេនីយ៍ទោ សម សាមួន និងភរិយា ព្រមទាំងថ្នាក់ដឹកនាំ នៃគណៈស្នងការ កងកម្លាំងនគរបាលទូទាំងខេត្ត សូមសម្តែងនូវសេចក្តីសោមនស្សរីករាយគោរពជូនសម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ សូមបានប្រកបដោយកាយពលមាំមួន សុខភាពពេញលេញល្អបរិបូរណ៍ បញ្ញាញាណឈ្លាសវៃ អាយុយឺនយូរ ជៀសផុតពីរោគាទាំងពួង ដើម្បីបន្តដឹកនាំ ប្រទេសជាតិ ឲ្យកាន់តែរីកចម្រើនប្រកបដោយសុខសន្តិភាពជានិច្ចនិរន្តរ៍។
ឆ្លៀតក្នុងឱកាសដ៏ឱឡារិកនេះ យើងខ្ញុំទាំងអស់គ្នា សូមសម្តែងនូវមនោសញ្ចេតនាអំណរសាទរដ៏ស្មោះអស់ពីដួងចិត្តដែលមានសម្ដេចក្រឡាហោមជាបុគ្គលដ៏ឆ្នើម ដែលបានធ្វេីការកំណែទម្រង់លេីគ្រប់វិស័យ ក្រសួងមហាផ្ទៃ ដោយការខិតខំប្រឹងប្រែងអស់ពីកម្លាំងកាយចិត្តរបស់ សម្ដេចចំពោះបុព្វហេតុបម្រើជាតិមាតុភូមិដ៏ថ្លៃថ្លានេះ ធ្វើឲ្យទឹកដីសុវណ្ណភូមិនៃយើង ភ្លឺត្រចះត្រចង់ពណ្ណរាយល្បីសុសសាយពាសពេញផ្ទៃប្រទេស និងលេីឆាកអន្ដរជាតិ។
ក្នុងតម្លៃដ៏មហស្ចារ្យនៃសុខសន្ដិភាព ក្រោមការដឹកនាំប្រកបដោយគតិបណ្ឌិត របស់ អគ្គមគ្គុទេសក៍ឯក និងប្រតិបត្តិករនយោបាយឈ្នះ ឈ្នះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា បានដាក់ចេញនូវយុទ្ធសាស្ត្រ បង្រួបបង្រួមឯកភាពជាតិ ក្នុងការដឹកនាំប្រទេសជាតិឈានទៅរកសុខសន្តិភាព ស្ថិរភាព សម្បូរសប្បាយប្រកបដោយចីរភាពតរៀងទៅ។
ជាថ្មីនៃឱកាសដ៏មហាប្រសើរនេះ កងកម្លាំងនគរបាលទូទាំងខេត្តកំពង់ស្ពឺ សូមលើកហត្ថបួងសួងដល់ទេវតាឆ្នាំថ្មីព្រះនាម មណ្ឌាទេវីសូមទ្រង់តាមជួយបីបាច់ថែរក្សា សម្ដេចក្រឡាហោម ស ខេង និងលោកជំទាវ ព្រមទាំងបុត្រា បុត្រី បុត្រប្រសារ ចៅប្រុស ស្រី ជាទីស្រឡាញ់ របស់សម្ដេច សូមបានប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
